Gyūdon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gyūdon
Gyudon by jetalone in Higashi-Ginza, Tokyo.jpg

Gyūdon
Informasi
Asal Jepang
Penyajian lan bahan
Bahan Daging sapi

Gyūdon [1](牛丼, sapi, mangkuk) utawa beef bowl [2]iku salah siji masakan saka Jepang lan isih kalebu jinise Donburi. Gyūdon iku arupa sega putih kang diwadhahi mangkuk, dhuwure diwenehi irisan daging sapi bageyan weteng sapi, bawang bombay kang wis dimasak karo kecap asin lan gula. Supaya ben sedhep, ing dhuwure ditawuri asinan jahe (benishōga), campuran rempah lan lombok kang diarani shichimi, utawa diwenehi endhog pitik mentah miturut selera.[3]

Gyūdon asale saka panganan kang diarani Sukiyakidon (sukiyaki donburi), mula asring ditemokake gyudon kang diwenehi shirataki kayadene sukiyaki. Masakan Gyudon wis mulai ana wiwit zaman Meiji.

Sajarah[sunting | sunting sumber]

Ing zaman Meiji wis mulai ana cikal bakale gyūdon kang diarani Gyumeshi, iku arupa sega putih samangkuk ing dhuwure diwenehi irisan daging turahan Gyūnabe (daging sapi yang dimasak dengan kecap asin dan gula). Nalika iku, wong Jepang asring krungu wong asing ngundang asune, "Come (here)", nanging miturut keprungune wong Jepang, "come" keprungu kaya "kame" lan wong asing iku kanyana lagi ngundang asu kang jenenge Kame. Saka asu kang jenenge Kame konon lair sesebutan Kamechabu, chabu (panganan) kanggo si Kame arupa [[sega] kang dicampur turahan Gyūnabe kang ora entek didhahar.

Restoran siap saji Yoshinoya kang mbuka cabang kanthi sistem waralaba misuwurake gyūdon minangka panganan rakyat ing tengahan taun 1970-an. Panganan kang arep padha uga disajekake kanthi jeneng Gyūmeshi dening restoran waralaba liyane, kayat Yōrōnotaki, Matsuya, Sukiya lan Kōbe Ranputei.

Ing tanggal 11 Februari 2004, Yoshinoya lan restoran gyūdon liyane kapeksa ora ngadol gyūdon maneh amarga kuwatir daging sapi saka Amerika Serikat kacemar penyakit sapi gila. Parlemen Jepang ngupaya nekakake maneh daging sapi saka Amerika wiwit sasi Mei 2005, nanging nembe isa ngimpor ing wulan Januari 2006.

Ing tanggal 18 September 2006, Yoshinoya ngadol Gyūdon maneh mung sedina thok, iku wae kanthi porsi kang diwatesi (1 yuta porsi kanthi jatah 1.000 porsi per restoran).

Serba-Serbi[sunting | sunting sumber]

Ing Jepang, ana rong istilah penyajian gyūdon ing restoran Yoshinoya: Tsuyudaku lan Negidaku. Tsuyudaku tegese sega kang diwenehi duduh daging kang akeh, dene Negidaku tegese sega kang diwenehi bawang bombay kang akeh.

Pranala Jaba[sunting | sunting sumber]

Cathetan Sikil[sunting | sunting sumber]

  1. ^ (en)Japanesefood.about.com Gyudon
  2. ^ (en)japan.guide.com Gyudon (beef bowl)
  3. ^ (id)halojepang.com Ayo Memasak! Gyudon Kare
Wikibooks
Wikibooks gadhah buku kanthi sesirah
Logo Wikimedia Commons
Pirsani galeri bab Gyūdon ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Gyūdon&oldid=832136"