Gunung Seorak

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Seoraksan
Nama Korea
Hangeul 설악산
Hanja 雪嶽山
Alih Aksara sing disampurnakaké Seoraksan
McCune–Reischauer Sŏraksan
Lokasi Seoraksan.

Gunung Seorak inggih punika puncak paling inggil saking Rerangkèning Pegunungan Taebaek (태백산맥), dumunung wonten ing propinsi Gangwon, sisih wètan Korea Selatan.[1] Gunung Seorak dipunsebut ugi Seolsan utawi Seolbongsan.[2] Dipunsukani nama Seorak (雪嶽; "Gunung Salju") amargi salju ingkang mandhap wonten ing mriki tahan dangu utawi gunung-gunungipun awerni pethak kados déné salju.[2]

Gunung Seorak minangka gunung paling inggil angka 3 wonten ing Korea Selatan sasampuning Gunung Halla ing Pulo Jeju lan Gunung Jiri ing Gyeongsang Selatan. Saking 30 buah puncakipun, ingkang paling inggil inggih punik Daecheongbong (대청봉) (1.708 m).[3] Bagèyan utama kawasan punika kasusun saking granit lan gneiss ingkang bentuk pegunungan kanthi watu-watu.[1]

Taman Nasional Gunung Seorak[sunting | sunting sumber]

Gunung Seorak dipuntetepaken minangka cagar alam nalika tanggal 5 November 1965 lan minangka taman nasional ingkang kaping 5 Korea wonten ing taun 1970.[3]

Wiyar Taman Nasional Gunung Seorak inggih punika 398,539 km², kabentang ing sapérangan wilayah kabupaten lan kutha kados Kabupaten Inje, Goseong, Yangyang lan Kutha Sokcho.[3] Seorak Lebet (Naeseorak) dumunung wonten ing Inje, déné kawasan Seorak Njawi (Oeseorak) dumunung wonten ing wilayah Sokcho, Yangyang, lan Goseong.[3]

Wonten ing taun 1982, Gunung Seorak dipuntetapaken minangka Distrik Pelestarian Biosfer (Biosphere Preservation District) déning UNESCO.[3] IUCN (International Union for Conservation of Nature) ngakoni kawasan punika wigati minangka papan perlindungan kanggé keanekaragaman hayati.[3] Wonten langkung saking 2.000 spesies fauna ingkang urip wonten ing kawasan punika, kalebet kéwan langka kados goral, musk deer (Moschus moschiferus) lan beruang hitam asia (Selenarctos thibetanus).[1] Spesies flora ingkang urip wonten ing kawasan punika dumugi 1.400 jinis[3], minangka tipe vegetasi alpen ananging wonten ing daerah ingkang langkung andhap dipundominasi déning hutan rontok berdaun lebar kados oak (Quercus mongolica), cemara merah (Pinus densiflora) lan Acer pseudo-sieboldianum.[1]

Heundeulbawi lan Ulsanbawi[sunting | sunting sumber]

Ulsanbawi (울산바위; 'WBatu Ulsan) inggih punika sawijining watu ingkang saged dipundugi kanthi nyusuri jalur 800 anak tangga. Ing tengah margi wonten Kuil Buddha lan Watu Heundeul (Heundeulbawi, 흔들바위) ingkang dumunung wonten ing nginggil watu ingkang langkung ageng. Watu punika inggilipun 5 mèter lan konon namung saged dipunpindhahaken kanthi sekedhik nguras tenaga, ananging boten wonten setunggal tiyang ingkang nathanyaé saged nindakaken.

Miturut legenda, Ulsanbawi asalipun saking kutha Ulsan ing tenggara Korea. Nalika Gunung Geumgang (금강산) dipunciptakaken, Ulsanbawi mlapah dhateng lèr kanggé makili Ulsan. Ananging Ulsanbawi telat lan boten wonten malih papan ingkang sisa. Ulsanbawi dados wiirang lan wangsul malih dhateng kidul. Wonten ing sawijining dalu, piyambakipun saré ing wilayah Gunung Seorak. Ulsanbawi ingkang rumaos Gunung Seorak èndah sanget milih dumunung wonten ing mrika.


Galeri[sunting | sunting sumber]

Pranala Njaba[sunting | sunting sumber]

Cathetan Suku[sunting | sunting sumber]

  1. ^ a b c d (en)Biosphere Reserve Information of MOUNT SORAK, unesco. Undhuh:17-03-2013.
  2. ^ a b (en)East Coast & Natural Beauty of Mt. Seorak, triptokorea. Undhuh:17-03-2013.
  3. ^ a b c d e f g (en)Seoraksan, knps. Dipunundhuh:17-03-2013.
Sumber artikel punika saking kaca situs web: "http://jv.wikipedia.org/w/index.php?title=Gunung_Seorak&oldid=843291"