Gunung Semèru

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

8°06′43″S 112°55′20″E / 8.11194°S 112.92222°E / -8.11194; 112.92222

Gunung Semèru

Semèru, 1985
Dhaptar Ribu

Gunung Semèru utawa Sumeru iku gunung geni paling dhuwur ing Pulo Jawa, kanthi pucuk Mahamèru, 3.676 mèter saka lumahing segara (mdpl). Kawah ing pucuk Gunung Semèru dikenal kanthi jeneng Jonggring Saloko.

Semèru nduwèni kawasan alas Dipterokarp Bukit, alas Dipterokarp Dhuwur, alas Montane, lan Alas Ericaceous utawa alas gunung.

Posisi gunung iki dumunung ing antara wilayah administrasi Kabupatèn Malang lan Lumajang, kanthi posisi geografis antara 8°06' LS lan 120°55' BT.

Ing taun 1913 lan 1946 Kawah Jonggring Saloka duwé kubah sing dhuwuré 3.744,8 M nganti pungkasan November 1973. Ing sisih kidul, kubah iki ndhobrak pinggir kawah nyebabaké aliran lava tumuju pèrèng kidul ya iku menyang dhaérah Pronojiwo lan Candipuro ing Lumajang.

Mènèk gunung[sunting | sunting sumber]

Kreteg ing dalan liwat kidul Semèru (1937)

Prelu wektu watara patang dina kanggo lelungan mènèk gunung iki menyang mulih. Kanggo mènèk gunung iki bisa liwat kutha Malang utawa Lumajang. Saka terminal kutha Malang numpak angkutan umum tumuju désa Tumpang. Disambung nganggo Jip utawa Trek Janganan sing akèh ing mburi pasar terminal Tumpang nganti tekan Pos Ranu Pani.

Sadurungé kudu mampir ing Gubugklakah kanggo njaluk layang idin. Numpak trek janganan utawa jip wiwit saka Tumpang tumuju Ranu Pani, désa pungkasan ing sikilé Gunung Semèru. Ing kéné ana Pos pamriksaanana uga warung lan pondok panginepan lan jasa porter. Ing Pos Ranu Pani uga ana loro tlaga yaiku tlaga Ranu Pani (1 ha) lan tlaga Ranu Regulo (0,75 ha).

Rute[sunting | sunting sumber]

Rute saka Malang menyang Gunung Semèru:

  1. Malang - Tumpang 18 km 45 mnt
  2. Tumpang - Gubugklakah (Pos Pendaftaran) 12 km 45 mnt
  3. gubugklakah - Ranu Pani (Base Camp) 17 km 90 mnt 4 jam
  4. Ranu Pani - Watu Rejeng 7 km 1,5 jam
  5. Watu Rejeng - Ranu kumbolo 6 km 1,5 jam
  6. Ranu Kumbolo - Oro oro Ombo 1 jam
  7. Oro-oro Ombo - Cemoro Kandang 1 Jam
  8. Cemoro Kandang - Kalimati 1 Jam
  9. Kalimati - Arcopodo 1 km 1 jam
  10. Arcopolo - Puncak Semeru 1,32 km 3 jam

Rute saka Lumajang menyang Gunung Semèru:

  1. Lumajang - Senduro 25 km 1 jam
  2. Senduro - Burno 14 km 50 menit
  3. Burno - Ranu pani (2.200 meter) 29 km 3 jam
  4. Ranu Pani - Watu Rejeng 7 kilometer 1,5 jam
  5. Watu Rejeng - Ranu Kumbolo (2.400 meter) 6 km 1,5 jam
  6. Ranu Kumbolo - Kalimati (2.700 meter) 11,5 km 3 jam
  7. Kalimati - Arcopodo (2.900 meter) 1 km 1 jam
  8. Arcopodo - Puncak Semeru (3.676 meter) 1,32 km 3 jam

Gas mawa racun[sunting | sunting sumber]

Puncak Mahameru
Gunung Mahameru antawis taun 1890-1930

Ing pucuk Gunung Semèru (Pucuk Mahamèru) ora diprayogakaké lunga menyang kawah Jonggring Saloko, uga dilarang mènèk gunung saka sisih kidul, amarga ana gas mawa racun lan aliran lahar. Gas mawa racun iki dikenal kanthi jeneng Wedhus Gembel.

Aktivitas[sunting | sunting sumber]

12 Juni 2006, Badan Meteorologi lan Geofisika (BMG) Maritim Tanjung Perak Surabaya, nyathet lindhu vulkanik kanthi kakuwatan 1,8 Skala Richter (SR) saka aktivitas Gunung Semèru (3.676 mdpl)[1].

Rujukan[sunting | sunting sumber]

Deleng uga[sunting | sunting sumber]

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Gunung_Semèru&oldid=831104"