Gunung Rokatenda

Saka Wikipédia Jawa, bauwarna mardika basa Jawa
Gunung Rokatenda
Gunung Rokatenda
Titik dhuwur dhéwé
Èlevasi875 m (2,871 ft) [1]
Géografi
Masalah Lua ing Modhul:Location_map larik 501: Unable to find the specified location map definition. Neither "Module:Location map/data/Indonésia" nor "Template:Location map Indonésia" exists.
Géologi
Jinisé gunungStratovolcano
Panjeblug pungkasan1985[1]
Gunung Rokatenda

Gunung Rokatenda ugi kasebat Gunung Paluweh inggih punika salah satunggaling gunung api ingkang dumunung ing Pulo Palue, ing sisih lor Pulo Flores, Nusa Tenggara Wétan, Indonésia.[2] Gunung Rokatenda ugi kagolong jinis strato. Gunung punika ingkang dados titik paling inggil wonten ing Pulo Palue kanthi dhuwuripun dumugi 875 mèter. Miterat cathetan geografisipun, gunung punika mapan wonten ing koordinat 121° 42' bujur timur and 8° 19' lintang selatan. Gunung geni Rokatenda punika panci namung dhuwuripun 875 mèter saking sak nginggiling toya laut. Nanging, miturut data dhasar gunung api Indonésia ingkang dipunsusun déning Badan Géologi taun 2011, dhuwuripun gunung Rokatenda manawi dipunetang saking dhasaring laut saged dumugi 3.000 mèter.

Sajarah Gunung Njeblug[besut | besut sumber]

Gunung Rokatenda sampun asring njeblug. Ing tanggal 4 Agustus-25 September 1928 gunung punika naté njeblug ageng. Jalaranipun inggih amargi wonten lindhu ingkang dipunsusul tsunami. Mara baya ingkang paling ageng ingkang naté dipunwedalaken déning gunung rokatenda punika inggih nalika gunung rokatenda njeblug ingkang dipunlajengaken wontenipun tsunami ing taun 1928. Jejak vulkanis Rokatenda saged dipuntingali saking sebaran fumarola ingkang rumiyin sampun badhé nutup sadaya pérangan Pulo Palue. Fumarola inggih punika trabasan panas bumi ingkang awujud sisa-sisa saking aktivitas gunung api kala rumiyin.[3] Gunung geni Rokatenda punika njedhul saking dhasaring laut, lan njeblug kaping pisan ing taun 1928. Lajeng, gunung punika anteng dangu kirang langkung 35 taun. Nanging, sadèrèngipun taun 1928, gunung rokatenda punika sampun naté njeblug alit rumiyin. Ing pungkasaning taun 1963, Gunung Rokatenda njeblug malih. Lajeng, wiwit punika, ing wekdal 1-8 taun, Gunung Rokatenda njeblug malih ing taun, 1966, 1972, 1973, 1981, 1984, saha 1985. Nalika gunung punika njeblug, padatanipun ngasilaken kubah lava, kados ingkang sampun kadadosan nalika njeblug kaping pungkasan ing taun 23 Maret 1985. Lan nembé Gunung Rokatenda njeblug malih ing tanggal 21 Dhésèmber 2012. Jeblugan gunung Rokatenda ingkang kadadosan ing sasi Dhésèmber 2012 punika langkung ageng tinimbang nalika gunung punika njeblug ing sasi Oktober 2012, amargi nalika gunung njeblug ing sasi Dhésèmber dipunsarengi kaliyan medalipun geni ingkang ageng ingkang medal saking pucuking gunung. Gunung Rokatenda punika ugi medalaken wlahar panas, nanging wlahar punika boten dugi kampung para warga, amargi arahipun wlahar tumuju dhateng laut. Kajawi punika, awu vulkanik ingkang medal saking gunung langkung inggil saéngga saged nyebar ngantos sadaya wewengkon Pulo Palu'e saha dadosaken reged toya kanggé ngunjuk para warganipun.[4]

Rujukan[besut | besut sumber]

  1. a b c "Paluweh". Global Volcanism Program. Smithsonian Institution. Dibukak ing 26 Oktober 2012.
  2. [1] (dipunundhuh tanggal 26 Oktober 2012)
  3. [2] Archived 2013-03-25 at the Wayback Machine. Mara Rokatenda di Pulau Palue (dipunundhuh tanggal 11 Januari 2013)
  4. [3] Gunung Rokatenda Meletus, Warga Mengungsi (dipunundhuh tanggal 11 Januari 2012)