Gunting

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gunting

Gunting ya iku piranti kanggo ngethok bahan kang tipis.[1] Bahan-bahan kang bisa dikethok karo gunting yaiku kertas, kertas pérak, plastik tipis, panganan, sandhangan utawa kain, tali, kabel lan liya-liyané.[1] Gunting luwih apik tinimbang péso ing kasus kang mligi.[1] Tuladhané kanggo ngethok artikel ing koran utawa gambar.[1] Gunting uga kena kanggo ngethok rambut.[1] Pagawéyan iki ora kena ditandangi nganggo péso.[1] Gunting nduwéni rong sisi kang landhep.[1] Gunting wis dadi instrumén wajib nalika jaman Mesir Kuna.[1] Gunting wis ana wiwit taun 1500 sadurungé Masehi.[1] Wong-wong Mésopotamia wis nggunakaké gunting wiwit 4000 taun kepungkur.[1] Teknik nggawé gunting uga ora beda karo saiki.[1] Carané kanthi manasaké wesi lan mbentuk wesi supaya kepénak yèn dicekel tangan, banjur dilandhepaké.[1] Yèn jaman biyèn gunting dithuthuk lan digésék supaya landhep, saiki gunting bisa dilandhepaké kanthi ngungkal ing alat ungkal kang wis modhèrn.[1]

Gunting dikenalaké déning wong Inggris kang jenengé Robert Hinchliffe ing taun 1761.[1] Nalika iku gunting dikenalké kanthi cara massal.[1] Wiwit iku, gunting bisa dikenal kanthi wangun lan fungsiné sing bisa luwih maneka warna.[1] Gunting nduwèni wangun lan kagunan kang werna-werna.[1] Wangun gunting biyasané jumbuh karo kagunan gunting.[1]

Mitos[sunting | sunting sumber]

Ibu-ibu kang lagi meteng biyasané ana mitos-mitos kang dipercaya.[2] Salah sijiné yaiku mitos ngenani gunting. Ibu-ibu kang lagi meteng percaya yèn nyemataké gunting bakal bisa njaga bayi saka gangguan jin.[2] Gunting bakal njaga bayi kang ana ing njero weteng saka gangguan jin utawa setan.[2]


Cathetan suku[sunting | sunting sumber]

  1. ^ a b c d e f g h i j k l m n o p q r (en)britannica.com(dipunundhuh tanggal 6 Juni 2011)
  2. ^ a b c (id)lintasberita.com(dipunundhuh tanggal 6 Juni 2011)


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Gunting&oldid=830235"