Grojogan Tapel Jaran

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Horseshoe Falls, viewed from 16th floor of a hotel on Fallsview Blvd

Grojogan Tapel Jaran utawa Horseshoe Falls, uga dikenal minangka Grojogan Kanada, kuwi grojogan ing Kali Niagara, dumunung akèh-akèhé ing tlatah Kanada ing tapel wates karo Amérika Sarékat. Grojogan iki dumunung ing anatara "Titik Terrapin" ing Pulo Wedhus ing New York, lan "Table Rock House" ing Ontario.

Jeneng grojogan iki saka wanguné sing mlengkung kaya wangun tapel jaran sing dawané 671 meter (2,200 ft). Ana ing tengahé, jeroné watara 3 meter (10 ft). Banyu ngliwati lengkungan iki kanthi kacepetan watara 32 km/jam (20 mph). Grojogan iki dhuwuré 53 meter (173 ft), ngadep ngalor. Jeronya banyu ing dhasar kali luwih jero tinimbang dhuwuré grojogan, yakuwi watara 56 meter (184 ft).

Grojogan Tapel Jaran iki dianggep paling nyengsemaké ing antara telung grojogan sing mujudaké Grojogan Niagara. Watara 90% saka banyu Kali Niagara mili ngliwati grojogan iki, déné 10% liyané mili menyang Grojogan Amérika.

Panoramic American view of the Horseshoe Falls.
Panoramic American view of the Horseshoe Falls.

Delengen uga[sunting | sunting sumber]

Pranala jaba[sunting | sunting sumber]