Greg Nwokolo

Saka Wikipédia Jawa, bauwarna mardika basa Jawa
Greg Nwokolo

Gregory Junior Nwokolo (lair ing Enugu, Nigeria, 3 Januari 1986; umur 38 taun) punika salah satunggaling juru main bal-balan Indonésia ingkang asalipun saking nagara Nigeria.[1] Greg Nwokolo naté main wonten ing Persija Jakarta nalika Liga Indonesia taun 2010/2011.[1] Sanajan naté ribut saha pikantuk cap ingkang boten saé kaliyan Badan Liga Indonesia, sapunika Greg Nwokolo tampil langkung sabar.[1] Kajawi punika Greg Nwokolo ugi langkung fokus nalika main.[1] Greg kang ugi dados glandhang serang Persija Jakarta punika main kanthi saé nalika timipun nglawan Persiwa Wamena wonten ing Stadion Utama Gelora Bung Karno, Senayan, nalika dinten Rebu tanggal 11 Fèbruari 2009 kapungkur.[1] Boten namung nyithak gol ingkang cacahipun kalih kanggé Macan Kemayoran, Greg ugi dados juru main ingkang gadhah andil nalika gol ingkang sepisanan saking Bambang Pamungkas lumantar titik penalti.[1] Greg ugi asring dados juru main ingkang dipunwastani motor serangan Persija kaliyan dhuet Aliyudin saha Bambang Pamungkas.[1] Greg Nwokolo punika putra ingkang kaping gangsal saking pasangan Gregory Nwokolo saha Josephine Nwokolo.[1] Greg Nwokolo miwiti karir wonten ing kompetisi nasional sesarengan kaliyan Persijatim Sala FC nalika taun 2004.[1] Greg Nwokolo punika ngingilipun 175 cm saha awratipun 72 kg.[2]

Cathetan suku[besut | besut sumber]

  1. a b c d e f g h i bola.vivanews.com Archived 2010-08-29 at the Wayback Machine.(dipunundhuh tanggal 25 September 2011)
  2. Cithakan:Isoccerway.com(dipunundhuh tanggal 25 September 2011)