Gréja Katulik Armenia

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Partemon para uskup Katulik Armenia ing Yerusalem, watara taun 1880 (delengen pallium Romawi dianggo déning Uskup Agung sing lungguh ing tengah).

Gréja Katulik Armenia (Basa Armenia: Հայ Կաթողիկե Եկեղեցի) iku sawijining Gréja Katulik Ritus Wétan sui juris jroning Gréja Katulik. Miturut sajarah, Gréja iki arupa pecahan saka Gréja Apostolik Armenia. Gréja Katulik Armenia ana jroning persekutuan penuh karo lan tundhuk marang otoritas Paus Roma kayadéné sing diatur jroning Kitab Hukum Kanonik Gréja-Gréja Wétan.

Sajarah[sunting | sunting sumber]

Sawisé Gréja Apostolik Armenia, bebarengan Gréja-Gréja Ortodoks Oriental, sacara resmi metu saka persekutuan karo gréja-gréja Khalsedonia (Gréja-gréja sing nampa asil putusan konsili Khalsedon), akèh uskup Armenia nyoba mulihaké persekutuan penuh karo Gréja Katulik. Nalika taun 1195 sakwéné Perang Salib, gréja karajan Armenia ing Kilikia mlebu jroning panunggalan karo Gréja Katulik Roma. Panunggalan iki kajaga nganti Kilikia ditelukaké déning para Mameluk nalika taun 1375.

Panunggalan iku banjur dipulihaké manèh jroning konsili Florensia nalika taun 1439, nanging ora ngétokaké asil sing nyata nganti taun 1740, nalika Abraham-Petrus I Ardzivian, sing sadurungé wis dadi Katulik, kapilih minangka patriark Sis. Rong taun sabanjuré Paus Benediktus XIV sacara resmi madegaké Gréja Katulik Armenia. Kantor pusat patriarkat banjur dipindhahaké menyang Beirut. Sakwéné pambantaian ètnis Armenia sing saka taun 1915 nganti 1918 gréja iki kasebar menyang negara-negara sakiwatengané, utamané Syria.

Gréja Katulik Armenia uga arupa sebutan saka gréja sing diwangun déning wong-wong Armenia sing urip ing Polandia nalika taun 1620 sawisé pamanunggalan Leopolis déning Mikołaj (Nicholas) Torosowicz, sing wiwit wektu iku njalin gegandhèngan karo Gréja Katulik Armenia sing luwih awal. Sapérangan umaté migrasi menyang Swedia, lan mbentuk salah siji saka sapérangan komunitas Katulik ing Swedia. Delengen Gréja Katulik ing Swedia.

Patriark saiki yaiku Nerses Bedros XIX. Gréja iki arupa salah siji saka gréja-gréja Katulik ritus wétan sarta migunakaké ritus Armenia lan basa Armenia jroning liturgi.

Saiki ana komunitas-komunitas Katulik Armenia sing cukup gedhé ing Argentina, Armenia, Australia, Kanada, Prancis, Lebanon, Syria, Turki lan ing Amérika Sarékat.

Pranala njaba[sunting | sunting sumber]