Gréja Katedral Jakarta

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gréja Katedral Jakarta
Jakarta Cathedral Afternoon.JPG
Informasi dhasar
Dunung Jakarta, Indonésia
Afiliasi agama Katulik Roma
Taun diresmèkaké 21 April 1901
Situs Wèb http://www.katedraljakarta.or.id/
Dhèskripsi arsitèktur
Arsitèk Antonius Dijkmans
Jinis arsitèktur Gréja
Gaya arsitèktur Neo-Gothic
Taun rampung 21 April 1901
Spesifikasi
Pucuk 2

Gréja Katedral Jakarta menika gréja kanthi gaya neo-gotik.[1] Gréja menika dipunresmèkaken nalika tanggal 21 April 1901.[1] Gréja menika dados gréja Katedral wonten Jakarta ngantos samenika.[1]

Kathah prastawa kang wonten ing gréja kang umurupun sampun langkung 100 taun menika.[1] Nalika taun 1924 ingkang sepisanan salah setunggaling Uskup dipuntahbisaken wonten ing Gréja Katedral.[1] Uskup menika asmanipun Mgr A. Van Velsen SJ.[1] Taun salajengipun wonten prastawa inggih menika sidhang ingkang sepisanan Majelis Wali-wali Gréja ing Indonésia ingkang dipunwontenaken ing Pastoran Katedral.[1] Kardinal Agaginian, salah setunggaling Armenia ingkang tindak Jakarta nalika taun 1959 saha dipuntampa kaliyan Gréja saha pimpinan Negara RI.[1]

Nalika taun 1963 nganti 1965 para Uskup Indonésia ndhèrèk wonten ing konsili Vatikan II.[1] Kagiyatan menika mbeta kathah owah-owahan dhumateng pastoral saha liturgi Gréja.[1] Nalika para Uskup taksih wonten ing Roma, ing Jakarta wonten prastawa G30S PKI, saéngga Katedral prelu dipunjagi kaliyan para Nèm-nèman Katulik saha tentara.[1]

Nalika taun 2002, gréja Katedral dipunresiki saha dipun cet malih amargi kathah lumut ingkang tuwuh wonten ing tèmbok gréja.[1] Nalika gedhung sepisanan dipunbangun para pejabat genie (pasukan zeni) ing wekdal puniku nyebataken menawi gedhung menika kiyat sanget amargi struktur gedhung saha matérial ingkang saé sanget.[1] Gedhung gréja menika dipunbangun kanthi béya 628.000 gulden saha dipunrancang déning P.A Dijkmans.[1] Ing gréja puniki wonten menara ingkang cacahipun tiga.[2] Inggih menika menara Angelus Dei, Benteng Daud, saha Menara Gading.[2]

Cathetan suku[sunting | sunting sumber]

  1. ^ a b c d e f g h i j k l m n (id)sejarah gereja katedral Jakarta(dipunundhuh tanggal 19 September 2011)
  2. ^ a b (id)bangunan gereja katedral Jakarta(dipunundhuh tanggal 19 September 2011)