Gong Li
| Gong Li | |
|---|---|
 Gong Li, 2011 | |
| Asma wiyosan | Hanzi Sederhana: 巩俐; Hanzi tradhisional: 鞏俐 |
| Miyos | Dhésèmber 31, 1965 Cithakan:Country data republik rakyat cina Shenyang, Liaoning |
| Pakaryan | aktris |
| Taun aktif | 1987-saiki |
| Sisihan | Ooi Hoe Soeng (1996-) |
Gong Li (Hanzi Sederhana: 巩俐; Hanzi tradhisional: 鞏俐; pinyin: Gǒng Lì; lair ing Shenyang, Liaoning, 31 Dhésèmber 1965; umur 58 taun) ya iku aktris filem saka RRC kang statusé dadi warganagara Singapura awit sasi November 2008, Awal kariré diawali nalika dhèwèké ketemu karo sutradara Zhang Yimou nalika pentas drama ning sekolahé.[1]
Bebarengan karo sutradara Zhang Yimou jenengé dadi kondhang.[1] Sawisé bebarengan karo Zhang, olih pangakuan amarga debut filem RED SORGHUM, filem kang diputer nalika taun 1987.[1] Ning filem mau, Li meranaké wanita perkasa kang kudu kuat anggoné ngambil alih kakuasaan kang direbut musuh saka garwané kang wus ninggal yuswa.[1] Kasuksesané ning dunya hiburan nuli diulang manèh manèh liwat filem TO LIVE, kang diputer nalika taun 1994.[1]
Gong Li wis tau mainaké peran ning filem-filem garapan sineas China.[1] Film kang tau dibintangi dhewweké kaya ta filem kag judhulé JU DOU, dirilis nalika taun 1990, RAISE THE RED LANTERN, dirilis nalika taun 1991 lan filem komedi heroik THE STORY OF QIU JU, kang dirilis nalika taun 1992, ning filem mau, dhèwèké meranaké wong tani kang kang duwé niyat kanggo mbalas dendam marang garwané dhéwé kang ora adil.[1]
Nalika taun 1993, Li mainaké peran ning filem kang judhulé FAREWALL TO MY CONCUBINE kang akiré anggawe dhèwèké olih panghargaan Palme d'Or nalika festival Cannes kanggo kategori filem paling apik.[1] Film-filem kang tau dibintangi dhweké kaya ta SHANGHAI TRIAD, kang dirilis nalika taun 1995, taun 1996 bebarengan karo aktor Chen Kaige dhèwèké mainaké peran mbintangi filem kang judhulé TEMPTRESS MOON.[1] Ning taun 1999 dhèwèké meranaké peran ning filem basa inggris pisanané CHINESE BOX, PIAO LIANG MA MA (Breaking the Silence), kang akiré nganteraké dhèwèké lumebu ning pratélan nominasi Oscar babagan kategori Film Berbasa Asing paling apik ning taun 2000.[1] Gong Li tambah tenar lan bisa nempataké dadi bintang ning nagara-nagara liya uga.[1] Dhèwèké anggawe filem THE EMPEROR AND THE ASSASSIN, kang tau dibintangi dhèwèké nalika taun 1999, dadi filem paling larang ning Asia.[1] Film epik kang settingé masa feodal China nalika taun 3 SM iku nyeritakaké panguasa pisanan ning China (Li Xuejian) kang duwé rencana bakal matèni panguasa (Zhang Fengyi) lan wanita kang ditresnani déning dhèwèké, wanita kang diperanaké déning Gong Li.[1]
Nalika taun 2003 Gong Li temenanan kondhang ning dunya, lan akèh dilirik déning sutradara dunya.[1] Kaya ta Sutradara kang ngurusi Film ZHOU YU'S TRAIN (2003), THE HAND (2003) dan EROS (2004), kang digarap déning Wong Kar Wai, Steven Sodenbergh lan Michelangelo Antonioni kang notabené sutradara kelas dunya.[1] Gong Li uga olih kasempatan anggoné kerjasama karo sutradara Wong Kar Wai ning filem epik kang judhulé 2046, dirilis nalika taun 2005, IN THE MOOD FOR LOVE, kang dirilis taun 2001 lan filem tenar liyané kaya ta MEMOIRS OF A GEISHA, kang dirilis nalika taun 2005, filem kang nyaritakaké babagan wanita Jepang kang nyinaoni lan oli pendidikan kanggo nyenengaké para priya.[1] Gong Li dadi cahya, kanggo para bintang ning Asia lan nyusul para bintang Asia kang wis kondhang ning Hollywood, bebarengan karo Jamie Foxx lan Colin Ferrell, ning taun 2006 dhèwèké tau mbintangi filem MIAMI VICE lan BEHIND THE MASK, kang dirilis ning taun 2006 uga.[1]
Taun 2010, Gong Li olih panghargaan saka papréntahan Prancis.[2] Panghargaan paling dhuwur ning babagan kagunan Prancis, amarga dhèwèké mbantu karaméan France Pavilion kanggo Shanghai Word Expo.[2] Gong Li olih panghargaan Commandeur saka French Order of Arts and Letter, diwenehaké déning Kementrian Kabudayaan Prancis.[2] Aktris Cina kondhang iki uga njabat dadi ambassador saka France Pavilion.[2] Ora namung iku, dhèwèké uga tau narima panghargaan Chevalier, saka papréntahan Prancis nalika taun 1998.[2]
Cathetan suku[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |