Gogon Srimulat
| Gogon | |
|---|---|
 | |
| Lair | Margono |
| Pakaryan | Aktor, pelawak |
Gogon utawa Margono (lair 31 Dhésèmber 1960; umur 63 taun) dikenal dadi salah sawijining pelawak senior grup Srimulat.[1] Rambut kuncung lan kumis ala Caplin ndadèkaké jenenge dikenal lan laris nampa job.[1] ing Srimulat Gogon setingkat karo Tarzan, Tessy, Timbul, Kadir, Nunung lan Doyok.[1] Ning perjalanan kariré, Gogon kesandung masalah, wektu dhèwèké ketangkep basah karo Pulisi lagi nggunakaké narkoba.[1] karo kang dadi sigaring nyawané utawa bojoné ya iku, Tri Kusni Handayani (37).[1] Gogon ditangkap ing omahé dhéwé ning Perumahan Papan Anggegana Mas Blok U, No. 18, RT 8/1 Kalurahan Selapajang Jaya Kacamatan Neglasari Kutha Tangerang nalika tanggal 22 Agustus 2007.[1]
Pelawak kang kaloka karo gayané sing bungkuk karo sedhakep iki akhiré diukum patang taun kunjara lan denda Rp.150 juta déning Majelis Hakim Pengadilan Negeri Tangerang.[1][2] ing putusan tanggal 15 April 2008 iku, Gogon kang terbukti kanthi sah lan meyakinkan iku jelas duwé ekstasi.[1][2]
Sawisé metu saka panjara, Gogon nikmati kabebasané karo mubengi kutha lan lumebu metu mal kang ana ning kawasan Bekasi lan Bogor.[3] Dhèwèké uga diundhang déning para kanca, kaya ta Tukul Arwana kanggo tampil ning acara Bukan Empat Mata, lan Tarzan olih kahormatan kanggo motong rambuté kaya jaman-jaman biyèn, model jambulé kang khas.[3] Sadurungé dipotong rambut lan jangguté, Gogon kang biyèn pernah duet karo penuanyi dangdut Chyntia Sari lan artis sinétron Cut Keke nyebut dhèwèké mirib karo 'Syeh Puji'.[3]