Goenawan Mohamad

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Goenawan Soesatyo Mohamad (Karangasem Batang, Jawa Tengah, 29 Juli 1941) punika pujangga Indonesia ingkang pinunjul. Piyambakipun ugi satunggiling pendiri Majalah Tempo.

Goenawan Mohamad punika intelektual ingkang nggadhahi wawasan wiyar, wiwit saking pamain bal-balan, politik, ekonomi, seni lan budaya, donya perfilman, musik, lan sanès-sanèsipun. Wawasanipun liberal sanget lan tinarbuka. Sepertos ujaripun Romo Magniz-Suseno, salah satunggiling koleganipun, lawan utami Goenawan Mohamad inggih punika pemikiran monodimensional.

Jaman Nèm-nèman[sunting | sunting sumber]

Pendiri lan mantan Pemimpin Redaksi kalawarti Berita Tempo punika, wekdal taksih anèm langkung misuwur minangka satunggaling penyair. Piyambakipun ndhèrèk tapak asma wonten ing Manifesto Kebudayaan 1964 ingkang andamel piyambakipun mboten kénging nyerat wonten sawetawis media umum. Goenawan wiwit nyerat nalika taksih yuswa 17 tahun, lan kalih tahun saljengipun nerjemahaken puisi penyair wanita Amerika, Emily Dickinson. Wiwit kelas 6 SD, piyambakipun ngaku remen acara puisi siaran RRI. Kangmasipun ingkang dados dokter, wekdal semanten langganan kalawarti Kisah, asuhan H.B Jassin. Goenawan ingkang biasanipun dipun sapa Goen, sinau psikologi wonten ing Universitas Indonesia, nyinaoni ilmu politik ing Belgia, lan dados Nieman Fellow ing Harvard University, Amerika Serikat. Goenawan daub kaliyan Widarti Djajadisastra lan kagungan kalih momongan.

Donya Jurnalistik[sunting | sunting sumber]

Wonten ing taun 1971, Goenawan sesarengan kaliyan réncangipyn ngadegaken kalawarti Minggon Tempo, satunggaling kalawarti ingkang ngusung karakter jurnalisme kalawarti Time. Ing ngrika piyambakipun kathah nyerat kolom bab ingkang magepokan kaliyan agenda-agenda politik ing Indonesia. Jiwa kritisipun andadosaken krenteg kanggé ngritik rezim Soeharto ingkang wekdal punika ngekang tuwuhipun demokrasi ing Indonesia. Tempo lajeng dipun anggep minangka oposisi ingkang ngrugèkaken kepentingan pamaréntah sahéngga dipun endhegaken penerbitanipun ing taun 1994. Goenawan Mohammad lajeng ngadegaken Aliansi Jurnalis Independen (AJI), asosiasi jurnalis independen ingkang wiwitan ing Indonesia. Piyambakipun ugi ndèrèk ngadegaken Institusi Studi Arus Informasi (ISAI) ingkang tugasipun ndokumentasèkaken kakerasan tumrapipun donya pers Indonesia. Nalika kalawarti Tempo saged terbit malih, saksampunipun Soeharto dipun lèngsèraken ing taun 1998, kathah perobihan dipun laksanaaken sepertos perbahian cacahipun kaca, nanging tetep mempertahanaken mutunipun. Mboten dangu, Tempo lajeng memperluas usahanipun kanthi nerbitaken surat kabar harian Koran Tempo. Saksampunipun terbit sawetawis taun, Koran Tempo kénging masalah, inggih punika ing pertengahan wulan Mei 2004, Pengadilan Negeri Jakarta Timur ngukum Goenawan Mohammad lan Koran Tempo supados nyuwun ngapunten dhumateng Tommy Winata. Pernyataan Goenawan Mohammad ing tanggal 12-13 Maret 2003 dipun anggep sampun ngrugèkaken nami bos Artha Graha punika.

Karya Sastra[sunting | sunting sumber]

Salami kirang langkung 30 tahun tekun wonten ing donya pers, Goenawan ngasilaken sawetawis karya ingkang sampun dipun terbitaken, ing antawisipun kumpulan puisi Parikesit (1969) lan Interlude (1971), ingkang dipun terjemahaken dhateng basa Walanda, Inggris, Jepang, lan Prancis. Sebagéan eseinipun kahimpun wonten ing Potret Seorang Penyair Muda Sebagai Si Malin Kundang (1972), Seks, Sastra, dan Kita (1980). Ananging langkung saking punika, tulisanipun ingkang paling misuwur lan populer inggih punika Catatan Pinggir, satunggiling artikel cekak ingkang dipun amot sacara minggon ing kaca paling pungkasan Majalah Tempo. Konsep Catatan Pinggir inggih punika minangka komentar utawi kritik dhumateng batang tubuh ingkang utami. Artosipun, Catatan Pinggir mendhet posisi wonten ing sisi, mboten posisi sentral. Wiwit medalipun ing pungkasan taun 1970-an, Catatan Pinggir sampun dados ekspresi oposisi tumrap pemikiran ingkang picik, fanatik, lan kolot.

Goenawan Mohamad ugi gadhah andil wonten ing ngadegipun Jaringan Islam Liberal.

Ugi Pirsani[sunting | sunting sumber]

Pranala Jawi[sunting | sunting sumber]


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Goenawan_Mohamad&oldid=838872"