Gochujang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gochujang

Setoples gochujang
Hangeul 고추장
Hanja 고추醬
Alih Aksara sing disampurnakaké gochujang
McCune–Reischauer koch'ujang

Gochujang inggih menika pasta lombok ingkang dipunginakaken kanggé masakan Korea kanthi bahan utaminipun menika beras ketan lan bubuk lombok ingkang sampun nglampahi proses fermentasi [1]. Kanthi tradisional, fermentasi gochujang dipunwontenaken ing plataran griya kanthi wadah tempayan tembikar mawi ukuran ingkang ageng. Papanipun dipunsukakaken wonten ing alas saking susunan watu ingkang dipunwastani jangdokdae (장독대). Ciri khas saking gochujang menika raosipun ingkang pedes radi legi sanajan katingalipun abrit sanget. Wonten ing Korea, gochujang menika bumbu ingkang wigati sanget. Asal usul tembung gochujang saking gochu (고추, lombok) lan jang (bumbu).

Sajarah[sunting | sunting sumber]

Tiyang Korea dipunprakirakaken wiwit tepang kalihan lombok nalika taun 1700-an. Miturut Jungbo Sallim geongje (증보산림경제, 1765), gochujang dipundamel saking campuran bubuk lombok, bubuk ketan lan pasta dangsul ingkang dipunsimpen dumugi mateng ing ngandhaping srengéngé. Resep damel gochujang menika saking abad kaping 18 mirip kalihan resep saking abad kaping 19 dumugi samenika.[2]

Bahan baku lan resep gochujang bènten-bènten miturut zaman lan dhaérahipun, saged saking campuran manéka jinis glepung kadosta dangsul, gandhum, milet. Bubuk lombok, sarem pawon, lan kecap asin, lajeng dipunmatengaken kanthi cara fermentasi. Minangka asiling fermentasi, raos pedes dados kirang, lan beras ketan dados legi. Sanajan mekaten, sapérangan produsen ugi nambhakaken gula saking beras utawi gula pasir.

Panggunaan[sunting | sunting sumber]

Kejawi minangka bumbu ingkang wigati kanggé manéka jinis masakan Korea, gochujang ugi dipuncampur kalihan sekul lan dipunudhak kados nalika dhahar bibimbap. Gochujang menika bumbu kanggé damel jjigae (gochujang jjigae), ngekom daging (gochujang bulgogi), damel tteokbokki, lan minangka penyedap nalika damel naengmyeon. Saus cocol saged dipundamel saking campuran gochujang, kecap asin, bawang, lan minyak wijen. Saos chogochujang (초고추장) dipundamel saking campuran gochujang kalihan cuka lan wiji wijeng. Saos menika dipunginakaken nalika dhahar hoe lan hoedeopbap. Ssamjang (쌈장) dipundamel saking campuran gochujang, doenjang, bawang bombay, lan godhong bawang.

Cathetan suku[sunting | sunting sumber]

  1. ^ (id) Gochujang: bumbu cabe khas Korea, (dipunakses tanggal 24 Februari 2013)
  2. ^ Gochujang (Hot Pepper Paste)

Pirsani ugi[sunting | sunting sumber]

Pranala njawi[sunting | sunting sumber]

Cithakan:Masakan Korea

Sumber artikel punika saking kaca situs web: "http://jv.wikipedia.org/w/index.php?title=Gochujang&oldid=836912"