Glathik jawa

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gelatik Jawa
Status konsèrvasi
Klasifikasi èlmiah
krajan: Animalia
filum: Chordata
kelas: Aves
ordo: Passeriformes
kulawarga: Estrildidae
Genus: Padda
Species: P. oryzivora
Jeneng binomial
Padda oryzivora
Linnaeus, 1758

Glathik Jawa utawa Padda oryzivora yaiku manuk ocèh-ocèhan ukuran cilik, kanthi dawa watara 15 cm, nduwèni endhas ireng, pipi putih lan cucuké gedhe. Manuk kang wis diwasa wuluné rupa klawu, wulu telih soklat semu abang, sikil jambon lan rupa abang ing saubenging mata, tumrapé manuk lanang lan wadon ora béda.

Manuk iki èndhemik Indonésia, lan tinemu ing ara-ara sesuketan, sawah, lan tegalan ing pulo Jawa lan Bali. Saiki manuk iki wis tinemu ing saindenging donya pinangka manuk pethetan.

Manuk iki urip nggrombol, uripé alihan, pakané arupa wewijen utamané pari, woh-wohan lan srangga. Nalika ngendhog 4-6 iji, diangkremi manuk lanang lan wadon.

Amarga rupa lan swarané kang apik, manuk iki banjur disenengi kanggo klangenan. Amarga dibedhag, rusaké ara-ara sesuketan lan alas, ilangé papan urip, manuk iki banjur tansaya susut cacahé lan dikuwatirake bakal nemoni cures ana ing papan uripé.

Glathik jawa diwasa, ing Hawaii
Glathik jawa enom, ing Hawaii

Gelatik Jawa dievaluasi rentan ing dhaptar IUCN Red List sarta didhaptaraké ing CITES Appendiks II.

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Glathik_jawa&oldid=882423"