Giok

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Giok

Giok utawi jade inggih menika jinising watu "permata ijo" salah satunggal saking jinis watu permata ingkang wonten ing jeronipun kathah unsur mineral ingkang sampun kapanggihaken lan dipunginakaken déning bangsa wétan èwunan taun kepengker [1]. Ing samenika watu giok kathah ingkang asalipun saking dhaérah Tibet, Cina lan Birma minangka komoditas ekspor. Giok dipunpitadosi kagungan khasiat damel ayem, bungah, kasarasan, lan keslametan.

Watu Giok[sunting | sunting sumber]

Ing lelampahaning sejarah bibar dipunpanggihaken giok kawéntar minangka asesoris lan perhiasan nalika èwunan taun kepengker déning peradapan manungsa. Giok ugi dipunagungaken minangka watu penylamet ugi watu kasarasan déning suku-suku bangsa ing Asia Wétan lan ing benua Afrika ugi Amerika kalebet suku Maya lan Inca. Ing donyaning medis ugi giok dipunpitadosi saged nginggilaken kasarasan ingkang ugi sampun kaginakaken ing peradapan manungsa. Pérangan menika kathah dipuncathet ing buku kesehatan kuno lan dipunakoni minangka salah satunggaling sumber ènergi alam. Kejawi menika watu giok saged nginggilaken sirkulasi getih, anti penuaan énggal, nambah kekebalaning awak sarta ngicalaken kesel [2]. Watu giok ugi kathah dipunginakaken nalika terapi pijet ceragem. Kejawi menika ing pamadosan nedahaken bilih watu giok menika ngandhut kathah èlemen ingkang wigatos kadosta kalsium, potasium, wesi lan magnesium.

Wujud lan ukuran watu giok[sunting | sunting sumber]

Watu giok menika dados watu ingkang paling dipunremeni ing babagan perhiasan, medis ugi watu menika unik saéngga watu menika kathah model bentuk gumantung nalika watu giok kasebut dipunasah lan dipundamel wujudipun. Wonten ing sajarahipun watu giok menika satunggaling jinis watu permata ingkang dipunasah lan dipundamel wujudipun kanthi manéka ukuran lan model. Giok dipunasah lajeng dipundamel wujudipun wiwit saking seukuran kados méja, patung ageng dumugi patung alit, liontin, anting-anting, ali-ali dumugi kados benik. Wujudipun ugi maneka warni, wiwit ingkang awujud patung Buddha, patung naga lan patung sanesipun, wonten ugi ingkang awujud kothak, longjong, oval, persegi tiga, dumugi persegai kathah. Kejawi wujudipun warni saking watu giok ugi kathah wiwit saking putih, kuning, abrit dumugi ingkang paling kondhang menika ingkang warni ijo.

Pirsani ugi[sunting | sunting sumber]

Cathetan suku[sunting | sunting sumber]

  1. ^ (id) Misteri di Balik Batu Giok , (dipunakses tanggal 24 Februari 2013)
  2. ^ (id) Khasiat Batu Giok , (dipunakses tanggal 24 Februari 2013)

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Giok&oldid=836966"