Gerèh

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Iwak gerèh

Gerèh uga diarani iwak asin. [1]Gerèh iki bahan panganan kang digawé saka daging iwak kang diawétaké kanthi cara nambahaké uyah lan dipépé.[1] Kanthi metode pengawétan iki daging iwak kang biyasané cepet bosok bisa disimpen ing suhu kamar luwih suwé nganti isa pirang-pirang sasi.[1] Ananging carané nyimpen biyasané ditutup rapet.[1]

Carané nggawé[sunting | sunting sumber]

Iwak kang bisa digawé gerèh akéh jinisé. Iwak kang bisa dimupangataké dadi gerèh yaiku bisa iwak darat lan iwak segara.[2] Iwak-iwak iki dikumpulaké ing wadhah banjur diwuwuri utawa direndhem ing larutan uyah kang kenthel. [2]Iwak-iwak kang gedhé biyasané dikethok-kethok dhisik supaya uyah bisa mresep ing njero daging.[2] Awit kenthelé kang béda lan tekanan osmosis, kristal-kristal uyah bakal narik cairan sèl ing jero daging metu saka daging iwak. [2]Partikel uyah banjut mresep ing jero daging iwak. [2]Prosés iki terus kadadéyan ngantu konsentrasi uyah ing jaba lan ing jero daging dadi seimbang.[2] Konséntrasi uyah kang dhuwur lan nyusuté cairan sèl bakal ngendhekaké prosés autolisis lan ngalangi thukulé bakteri ing jero daging iwak.[2] Sawisé iku iwak-iwak kang wis diuyahi banjur dipépé, digodhog utawa difermentasi supaya luwih awèt.[2] Pengolahan gerèh kanthi cara tradhisional merlokaké srengéngé kanggo nggaringaké lan nyegah supaya iwak ora bosok.[2] Ananging srengéngé kadhang katutup mendhung saéngga kurang panas kanggo mépé gerèh. [2]Iki bakal ngurangi kualitas gerèh lan bisa nggawè gerèh dadi bosok lan ora awèt.[2] Biyasané akéh bahan-bahan kimia kayata pestisida lan formalin kanggo ngawétaké.[2] Bahan-bahan iki mbebayani tumprap kaséhatan yén dienggo dadi pengawét.[2] Formalin uga nyegah kurangé bobot iwak amarga cairan awaké nguap nalika diasinké.[2] Bahan pengawét tambahan kang aman yaiku khitosan. [2]Ananging bahan kang diékstrak saka cangkang urang lan pithing iki durung dikenal lan durung digawé kanthi massal ing Indonésia.[2]

Pranala njaba[sunting | sunting sumber]

Cathetan suku[sunting | sunting sumber]

  1. ^ a b c d (id)bisnisukm.com(dipunundhuh tanggal 16 Juni 2011)
  2. ^ a b c d e f g h i j k l m n o p (id)berita.liputan6.com(dipunundhuh tanggal 16 Juni 2011)
Sumber artikel punika saking kaca situs web: "http://jv.wikipedia.org/w/index.php?title=Gerèh&oldid=837197"