Geografi Perancis

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Fr-map.png

Geografi Perancis inggih punika papan dunungipun geografis negara Perancis[1] wonten ing Eropa Barat, ingkang winatesan kaliyan Teluk Biscay lan Selat Channel, wonten ing antawising wilayah negara Belgia lan Spanyol, sarta wonten ing sisih kidul Inggris Raya.[2] Lajeng winatesan kaliyan Mediterania, Italia lan Spanyol.[2]

Bentang alam[sunting | sunting sumber]

Mont Blanc, puncak paling inggil ing negara Perancis.

Perancis kagungan ruang lingkup ingkang wiyar sanget.[3] Wilayah lèr lan kilèn sapérangan ageng kasusun saking dataran rendah.[3] Perbukitan lan pegunungan julang wonten ing wilayah sisih wétan, tengah lan bagèyan kidul.[3]

Perancis kagungan 10 wilayah daratan utama,[3] inggih punika:

  • Perbukitan Brittany-Normandy inggih punika daerah ingkang kagungan bentang alam arupi dataran sarta perbukitan rendah.[3] Daerah pesisiripun minangka dataran subur ingkang jumbuh kanggé perkebunan buah apel lan padang rumput kanggé ngangon sapi perah.[3] Daerah teluk-teluk wonten ing wilayah punika minangka pelabuhan-pelabuhan ingkang wigati.[3]
  • Dataran Perancis Utara inggih punika wilayah ingkang kagungan lahan ingkang subur lan industri ingkang produktif.[3] Dataran lér kalebet rata lan ngliputi perbukitan ingkang awujud alas sarta plato. Wilayah punika padat sanget penduduk lan kutha Paris dumunung wonten ing kawasan punika.[3]
  • Plato Timur Laut inggih punika wilayah timur laut winatesan kaliyan Belgia ingkang kapisahaken kaliyan Pegunungan Ardennes.[3] Daerah punika ngliputi alas lan dados samsaya boten rata ing bagéyan tenggara (Pegunungan Vosges).[3] Wilayah punika sugih kasil tambang bijih besi, besi lan baja.[3]
  • Lembah Rhine inggih punika wilayah ingkang kagungan lèrèng-lèrèng terjal sarta dasar dataran ingkang rata.[3] Manéka wit-witan lan ladhang anggur ngebaki wilayah punika lan pertanian subur kabentang sadawaning Kali Rhine.[3] Kali punika minangka aliran wigati ing daratan Eropa.[3]
  • Dataran rendah Aquitania. Dataran punika dipunaliri déning Kali Garonne lan manéka anak kali ingkang muara dhatenh kali kasebut.[3] Daerah punika kagungan panté kanthi pasir pethak ing pesisir lan bagéyan pedalamanipun kagungan alas pinus, dataran bergelombang lan bukit-bukit pasir.[3] Wilayah punika ugi dados pemasok buah anggur ingkang wigati kanggé industri minuman anggur Perancis.[3]
  • Dataran Tinggi Tengah utawi Massif Central inggih punika daerah ingkang jarang pendudukipun.[3] Tanah wonten ing wilayah punika boten subur kejawi ing sapérangan lembah ing pundi gandum rye lan manéka taneman pangan dipunproduksi.[3]
  • Alpen Perancis lan Pegunungan Jura batesi wilayah Perancis kaliyan Italia lan Swiss.[3] Wonten ing wilayah punika dumunung Gunung Mont Blanc (4.807 m).[3] Wonten ing daerah punika kathah resor ski.[3]
  • Pegunungan Pyrenees bentang ing wates antawising Perancis lan Spanyol.[3] Kathah puncak wonten ing jajaran punika kagungan kainggilan langkung saking 3000 meter.[3]
  • Dataran Rendah Mediterania lan Lembah Rhone-Saone kagungan daerah tetanén ingkang produktif lan irigasi dipunginakaken kanthi ekstensif.[3] Pesisiripun minangka daerah wisata ingkang regeng dipunkunjungi.[3]
  • Corsica inggih punika sawijining pulo wonten ing Laut Mediterania ingkang kagungan jarak sakitar 160 km ing sisih kidul daratan utama.[3]

Cathetan Suku[sunting | sunting sumber]

  1. ^ http://books.google.co.id/books/about/Geografi_Perancis.html?id=aubOygAACAAJ&redir_esc=y
  2. ^ a b (en) Geography of France, geography.about.com. Dipunundhuh tanggal 17 Maret 2013.
  3. ^ a b c d e f g h i j k l m n o p q r s t u v w x y z aa ab The World Book Encyclopedia. World Book, Inc.. 2006. pp. 464-466. ISBN 0-7166-0106-0.

Delengen Uga[sunting | sunting sumber]

Cithakan:Topik Eropa Cithakan:Perancis-stub

Sumber artikel punika saking kaca situs web: "http://jv.wikipedia.org/w/index.php?title=Geografi_Perancis&oldid=843150"