Gatot Brajamusti
Gatot Brajamusti (lair ing Sukabumi, 29 Agustus 1962; umur 61 taun)[1] iku priya kang duwé Padepokan Brajamusti ing Cisaat, Sukabumi, Jawa Kulon.
Ing akir taun 2004, jeneng saka Gatot Brajamusti ndadak kondhang ing masarakat bebarengan karo ilangé Reza Artamevia ing tanggal 12 Dhésèmber taun 2004 kapungkur ing Papan Anggegana Soekarno-Hatta, Cengkareng.[1] Nalika masarakat padha ribut jebulé Reza mondhok ing kana.[1] Gatot nuli asring katon lumaku bareng karo Reza nalika nemoni pèrs lan konsèr.[1] Sawisé iku, dhèwèké diomongaké déning masarakat.[1] Antèké uga tau jotos-jotosan karo bapaké Reza ing awal taun 2006.[1] Ora mung Reza, Gatot uga dadi penaséhat spiritual aktris Elma Theana.[1]
Gatot Brajamusti, priya kang duwé kumis iki duwé misteri.[1] Gatot ngaku tau nempuh pendhidhikan tinggi ing pawiyatan-pawiyatan luhur ing Indonésia lan ing nagara liyané.[1] Lulus SMA taun 1979, dhèwèké nerusaké menyang Fakultas Hukum Univèrsitas Indonésia.[1] Ora tekan lulus, dhèwèké kuliyah ing IKIP (saiki jenengé Univèrsitas Pendhidhikan Indonésia-UPI) Bandung, njupuk jurusan filsafat nganti telung taun suwéné, lan olèh gelar sarjana.[1]
Sawisé kuliyah ing Bandung, Gatot nyatakaké manawa dhèwèké nerusaké menyang Univèrsitas Al-Azhar, Mesir.[1] Pendhidhikan kang kuduné dilakoni nganti patang taun suwéné, diakoni déning Gatot mung dilakoni sataun.[1] Ing Kairo, Gatot ngaku kondhang kanthi jeneng Jambir Al-Barqur.[1]
Gatot ngrilis album réligi ing sasi Ramelan taun 1429 H (September 2008).[1] Album kang judhulé Tunjukkan Jalan Yang Lurus iki disembahaké marang garwané, Dewi Aminah.[1] Dewi dinikahi Gatot nalika tanggal 13 Agustus 1995.[1] Saka bebrayan iki dhèwèké duwé anak telu, ya iku Suci Patiah, Nuendo, lan Alfa.[1] Sadurungé dhèwèké wis tau nikah kaping pindho lan dikaruniai anak kang jenengé Abdullah, Putri (19), lan Alfi.[1]
Jeneng Gatot kondhang manèh ing masarakat amarga kapilih dadi Ketua Umum PARFI période 2011-2015.[1] Ing sasi Juli 2011, dhèwèké ngrasa wis dizalimi amarga kasus gugatan saka Hj. Jenny Rachman, babagan kacurangan kang dilakokaké déning dhèwèké nalika kongrès PARFI medhio Mèi 2011 ing Jakarta.[2] Kongrès kang akiré nglolosaké jeneng Gatot dadi peraih swara paling akèh agawé ribut, amarga dhèwèké ditutuh gawé layang palsu kang nyatakaké manawa dhèwèké iku anggota biyasa PARFI mula nggawé anggota sénior PARFI nglapuraké priya mau marang pulisi.[1]
Cathetan sikil[besut | besut sumber]
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |