Gangsingan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Gangsingan, gangsing, gasing, gasingan, kèkèhan, iku jeneng dolanan tradisional sing migunakaké gasing utawa kèkèhan. Gangsing digawé seka pring utawa kayu. Ing tengah-tengahé ana bolongan cilik. Bolongan mau bakal muni seru yèn gangsing diputer mubeng.

Ana rong jinis dolanan gangsing iki. Sing paling aman yaiku suwé-suwénan mubengutawa banter-banteran swarané. Yèn kepingin luwih nantang yaiku diadu. Ing antarané gangsing mau diadu lan sapa sing gangsingé pecah utawa rusak, ya kuwi sing kalah. Gangsing kanggo diadu iki ora ana bolongané lan digawé saka kayu, bisa kayu mlandhing (petai cina) utawa kayu liyané sing rada atos lan serat kayuné alus supaya ora gampang cuwil.

Kanggo muter gangsing mau dibutuhaké tali, sing diarani uwet. Tali dililitaké wiwit saka endhas, gulu nganti pundhaké gasing. Sawisé kuwi gangsing asor diuncalaké mengarep kanthi ngegèt, patrapé kaya nguncalaké bal boling.

Banggalan[sunting | sunting sumber]

Adu gangsing diarani banggalan. Carané, wiwitan para pamain ngubengake gasing bebarengan, sing mandheg dhisik puteran gasingé kalah banjur dadi asor, yakuwi muter gangsing kanggo dibanggal. Gangsing utawa kèkèhan sing dianggo banggalan biasané ing sisih ngisor dipasangi paku kanggo ngrusak (yèn bisa malah mecahaké) kèkèhan sing dibanggal.

Gangsingan saka Ngayogyakarta.

Jroning dolanan banggalan, gangsing asor sing wis diubengaké mau banjur dibanggal utawa diantem saka ndhuwur nganggo gangsing pambanggal, tujuané supaya ubengan gasing asor bisa mandheg utawa gasingé cuwil utawa rusak. Yèn gangsing pambanggal luput (kabuk) ngenani gangsing asor, pambanggal dianggep kalah lan sabanjuré ganti dadi asor. Yèn pambanggalé kena lan gangsing asor mandeg luwih dhisik ubengané, pambanggal dianggep menang lan gangsing asor kudu ngubengaké gangsingé manèh kanggo dibanggal.

Dolanan kang saemper[sunting | sunting sumber]

Ana maneh dolanan liya kang saemper, kagawe saka kayu kang diarani pathon. Pathon iki kang ana ing daerah/basa liya diarani gasing.

Delengen uga[sunting | sunting sumber]

Pranala jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Gangsingan&oldid=879213"