Gajah Sumatra

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gajah Sumatra
Status konsèrvasi
Klasifikasi èlmiah
krajan: Animalia
filum: Chordata
kelas: Mammalia
ordo: Proboscidea
kulawarga: Elephantidae
Genus: Elephas
Species: Elephas maximus
Subspecies: E. m. sumatranus
Trinomial name
Elephas maximus sumatranus
Temminck, 1847

Gajah Sumatra (Elephas maximus sumatranus) inggih menika salah satunggalipun saking tigang subspesies Gajah Asia ingkang habitatipun ing Pulo Sumatra, Indonésia. Wiwit taun 1986 Elephas maximus sampun dipunreksa déning IUCN amargi langkung saking 50% populasinipun sampun ical, kinten-kinten jangkah wekdal 60-75 taun. Gajah Sumatra keancem cures amargi habitatipun ingkang risak, gajah dipunperjaya pati déning manungsa, lan sapiturutipun.[1]

Gajah Sumatra nggadhahi karakteristik ing antawisipun, badanipun langkung alit tinimbang Gajah Afrika lan nggadhahi badan langkung inggil sami kaliyan endhasipun. Gajah Sumatra ingkang èstri limrahipun langkung alit tinimbang ingkang jaler, lan nggadhahi gadhing utawi boten gadhah.[2]

Gajah Sumatra nggadhahi inggil watawis 2 méter ngantos 3,2 méter, abotipun watawis 2.000 kg lan 4.000 kg.[3]

Populasi Gajah Sumatra saya dangu saya sakedhik.[1] Ing taun 1980-an, dipunpanggihi 44 klompok Gajah Sumatra.[1] Ing provinsi Lampung, saking 12 klompok gajah ing taun 1980-an, ing taun 2003 namung kantun tigang klompok.[1] Saking survei ing Taman Nasional Bukit Barisan dipunpanggihi populasi Gajah Sumatra cacahipun 498, lan ing Taman Nasional Way Kambas kinten-kinten cacahipun 180 gajah.[1]

Cathetan suku[sunting | sunting sumber]

  1. ^ a b c d e f {{{author}}} (2008). "{{{title}}}." {{{IUCN_Year}}} IUCN Red List of Threatened Species. IUCN {{{IUCN_Year}}}.
  2. ^ Shoshani, J., Eisenberg, J.F. (1982) Elephas maximus. Mammalian Species 182: 1–8
  3. ^ Shoshani, J. (2006) Taxonomy, Classification, and Evolution of Elephants In: Fowler, M. E., Mikota, S. K. (eds.) Biology, medicine, and surgery of elephants. Wiley-Blackwell. ISBN 0-8138-0676-3. Pp. 3–14

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Gajah_Sumatra&oldid=832329"