Fushimi Inari Taisha

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Fushimi Inari Taisha

Fushimi Inari Taisha (伏見稲荷大社?) inggih menika kuil Shinto ingkang mapan wonten ing Fushimi-ku, Kyoto, Jepang. Kuil menika kalebet kuil pusat kagem kirang langkung 40.000 kuil Inari ingkang mulyakaken Inari. Kuil utami (honden) mapan wonten ing kaki Gunung Inari, lan siti kagunganipun kuil menika kalebet gunung kanthi dhuwur 233 meter [1].

Wonten ing kuil menika kamulyakaken Ukanomitama sareng kalihan sisihanipun, Satahiko no Ōkami, Ōmiyanome no ōkami, Tanaka no ōkami, lan Shi no ōkami (四 大神?).[2] Inari dipunpitadosi minangka dewa pertanian, saengga kuil menika dipunpitadosi mbeta berkah kagem panen palawija, sukses ing perdagangan bisnis [3], lan kaslametan ing transportasi.

Kuil Fushimi Inari mlebet wonten ing peringkat kuil miturut Jinmyōchō (daftar nama kuil) ingkang terbit sareng kalihan Engishiki. Kejawi menika, kuil menika mapan wonten ing kelompok 7 kuil papan atas saking dhaptar 22 kuil utami (Nijūnisha). Wonten ing sistem dangu peringkat kuil Shinto, kuil menika kalebet salah satunggal saking kampeisha (kuil resmi ingkang dipunparingi dana saking pamaréntah Jepang) [1].

Kuil utami ingkang wonten samenika kabangun nalika taun 1499 bibar bangungan lawas kobongan nalika kedadosan [Perang Ōnin]]. Aula utami kuil menika dening pamaréntah Jepang dados warisan budaya ingkang wigati. Wiwit saking abad kaping 17, ingkang ngenut kuil Fushimi Inari gadhah tradisi mbanguntorii. Kirang langkung 10.000 torii ingkang larik-larikan wonten ing Gunung Inari kalebet asil saking sumbangan para umat. Ing antawisipun Senbon torii (larikan sewu torii) sampun dados salah satunggaling objek pariwisata [1].

Sajarah[sunting | sunting sumber]

Patung kitsune ing Fushimi Inari Taisha

Nalika taun 711, Hata no Iroku nampi dhawuh supados damel kuil kagem sanza (papan mawi tiga Kami) ing Gunung Inari. Miturut literatur Nijūni shaki, tiga Kami kasebut inggih menika Ōmiyame no mikoto, Ukanomitama no mikoto, Sarutahiko no mikami.[2] Kisah ingkang sami ugi kaserat wonten ing cathetan sajarah (fudoki) Provinsi Yamashiro ingkang tasih wonten. Ing bagéyan Jinmyōchō saking Engishiki, nama kuil menika kaserat minangka Inari Jinja Sanza (稲荷神社三座?).

Wonten ing taun 1871, adhedhasar sistem derajat kawigatosanipun kuil (Kindai shakaku seido), kuil menika dados kuil resmi (kampeisha), sarta nama kuil kasebut kanthi resmi dipungantos dados Inari Jinja utawi Kampei Taisha Inari Jinja. Bibar Perang Dunia II (1946), kuil menika wonten organisani keagamaan ingkang kedhaptar minangka badan hukum lan kapisah saking Asosiasi Kuil Shinto ingkang afiliasi kalihan Ise Jingu. Nama kuil dipungantos dados Fushimi Inari Taisha lan tasih dipunginakaken dumugi samenika.

Cathetan suku[sunting | sunting sumber]

  1. ^ a b c (id) Mengenal lebih jauh Kyoto, (dipunakses tanggal 7 Februari 2013).
  2. ^ a b "Inari Shinkō". Encyclopedia of Shinto. Establishment of a National Learning Institute for the Dissemination of Research on Shinto and Japanese Culture. http://eos.kokugakuin.ac.jp/modules/xwords/entry.php?entryID=783.
  3. ^ (id) Fushimi Inari Taisha, (dipunakses tanggal 7 Februari 2013).

Pranala njawi[sunting | sunting sumber]