Francisco Pizarro

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Francisco Pizarro
Lair c. 1471 atau 1476
Trujillo, Extremadura, Spanyol
Tilar donya 26 Juni 1541
Lima, Peru
Kabangsan Spaniard
Pagawéyan Conquistador
Dikawruhi amarga Penaklukan Amerika Kidul

Francisco Pizarro lair taun 1475 ing Trujillo, Spanyol inggih menika tiyang ingkang saged nelukaken kerajaan Inka ing negari Peru, Amerika Kidul.[1][2] Saking taun 1502 ngantos 1509, Pizarro manggen ing Hispaniola, Kapuloan Karibia, ing dhaérah ingkang samenika mlebet negari Républik Dominika lan Haiti. [1][2] Taun 1513, panjenenganipun dados anggota ekspedisi kanthi dipunpandhegani dening Vasco Nunez de Balboa, ingkang nemokaken Samodra Atlantik. [1] Taun 1519, panjenenganipun manggen ing Panama. [1] Nalika Pizarro nembe yuswa sekawan dasa pitu taun, Pizarro mangertos wonten satunggalipun kerajaan ingkang naminipun Kerajaan Inca, ingkang wonten ing wewengkon Amerika Kidul. Pizarro nggadhahi krenteg pengin nelukaken kerajaan menika, kados dene Hernando Cortes ingkang saged nelukaken Mexico. [1] Pizarro nyobi dhateng Kerajaan Peru ingkang sepisanan ing taun 1524-1525, ananging boten kasil. Ingkang kaping kalihipun taun 1526-1528, panjenenganipun kasil tindak dhateng Peru lan saged mbekta wangsul emas lan tiyang-tiyang suku Indian. [1]


Taun 1528, Pizarro kondur dhateng Spanyol. Raja Charles V paring dhawuh dhateng Pizarro supados saged nelukaken Peru minangka dados jajahanipun Spanyol. [1] Pizarro dipunparingi senjata, dana, lan sedaya piranti kangge ekspedisi menika. [1] Pizarro lajeng tindak dhateng Panama saperlu nyamektakaken sedaya piranti kangge ekspedisi. Ekspedisi menika dipunlaksanakaken taun 1531. [1] Kakiyatan ingkang dipunbekta Pizarro namung 200 tiyang, kamangka Kerajaan Inca nggadhahi enem yuta tiyang. [1]


Pizarro dugi ing Peru wonten ing sasi September 1532, namung mbekta 177 tiyang lan jaran ingkang cacahipun 62. [1] Kanthi kakiyatan ingkang sawontenipun, Pizarro mlebet dhateng dhaerah pagunungan Andes kanthi kutha Cajamarca ingkang dados jujukanipun. [1] Kutha menika dados panggenanipun panguwasa Inca ingkang asmanipun Atahualpa ingkang nggadhahi 14.000 tamtama. [1] Tentara “liliput” Pizarro dugi ing Cajamarca tanggal 15 Nopember 1532. [1] Kanthi siasat ingkang “brilian”, Pizarro saged nelukaken Kerajaan Inca. [1] Saderengipun, Atahualpa dipunperjaya ngantos pejah dening Pizarro lan tamtamanipun. [1]

Cathetan Suku[sunting | sunting sumber]

  1. ^ a b c d e f g h i j k l m n o p (id)[Michael H. Hart. 1978. Seratus Tokoh yang Paling Berpengaruh dalam Sejarah. Jakarta: Dunia Pustaka Jaya]
  2. ^ a b (id)Francisco Pizarro: Explorer dipunundhuh tanggal 25 Juni 2011)

Pranala Njawi[sunting | sunting sumber]



Logo Wikimedia Commons
Pirsani galeri bab Francisco Pizarro ing Wikimedia Commons.

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Francisco_Pizarro&oldid=830768"