Fotografi Makro

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Foto makro gelembung soda ning sakjeroné gelas.

Fotografi makro yakuei ilmu fotografi kang gambaré dijupuk cedhak supaya bisa meruhi detail kang rumit ananging ora merlukaké bantuwan saka alat pembesar optik kayata mikroskop. Fotografi makro biasané duweni rasio 1:1 yakuwi gdhené gambar kang dikasilaké padha gedhené karo benda asliné. Kayadene, ning film 35 mm, lensa kudu bisa fokus maring area kang cilik banget 24×36 mm, ukuran gambar ning film.

Kanggo fotografi makro, lensa makro kuwi paling trep. Lensa tipe iki biasané duweni perbesaran 1:1 malah bisa luwih. Ananging eman, lensa makro identik karo rega sing larang. Mula kuwi, ana alternatif liyané ing bisa dinggo kayata nganggo extension tube, reverse ring utawa filter close up. Ngisor iki carané supaya olih gambar makro kang biayané murah.

Kaping pisan yakuwi nganggo Filter close up. Filter close up yakuwi filter kang diterapaké ning ngarepé lensa (kayata filter biyasa) kang gunané kaya kaca pembesar kang gunané njupuk pembesaran fokus kang dikarepaké. Kanthi cara iki meski ora duwe lensa makro, nganggo lensa kit biyasa uga wis bisa digunakaké kanggo njupuk gambar makro.

Cara pindho yakuwi migunakaké reverse ring. Sejatiné cara kerja reverse ring iki padha kaya mbalik lensa supaya bisa digunakaké kanggo foto makro. Reverse ring namung alat bantu kang gunané kanggo ngrangkepaké badan kamera karo lensa kang mbalik.

Kaping teluné bisa nganggo makro extention tube. Extention tube iki wujudé kaya pipa kang dipasang ning watara awak kamera lan lensa. Tujuwané yakuwi upaya bisa njupuk gambar kanthi jarak fokus kang luwih cedhak supaya bisa fokus anggoné njupuk gambar kang clik.

Migunakaké Aperture Sempit
Biasané gambar makro dijupuk cedhak-cedhak. Bakalan gambar kang dikasilaké kuwi duweni ruang tajam (DoF) kang sempit banget. Amarga iku, digunakaké aperture sempit (f/8 mendhuwur) supaya njembaraké ruang tajam kang dijupuk.

Aja migunakaké ISO kang dhuwur
Menawa piranti kang digunakaké ora bisa njupuk gambar perbesaran kang apik, lan isih ana niat kanggo njupuk gambar makro kanthicara cropping, aja migunakaké ISO kang dhuwur banget. ISO kang kedhuwuren bisa nggawe grain ning gambar kang dikasilaké, apamaneh nalika gambar dicropping. Grain uga malah gawe gambar bureng.

Kamera aja nganti shake/goyang
DoF kang sempit ning foto makro anggawe susah kanggo fokus ning objek. Guncangan kang sithik wae bisa gawe fokus meleset. Kanggo ngatasi ini, pastikaké kamera aja nganti shake nalika njupuk gambar. Bisa ngunakaké tripod, bisa uga migunakaké speed kang dhuwur nganti sadhuwuré 1/125. Iki bisa ngantisipasi gerakan serangga.

Migunakaké manual fokus
Supaya olih perbesaran maksimal, gunakaké manual fokus. Carané, setting lensa mring manual fokus, lan migunakaké titik fokus palig cedhak. Golek fokus kang tepat kanthi cara maju-munduraké lensa ning ngarepé objek nganti olih fokus kang pas. Cithakan:Fotografi-stub

Sumber artikel punika saking kaca situs web: "http://jv.wikipedia.org/w/index.php?title=Fotografi_Makro&oldid=836128"