Flanel

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
maneka warna kain flanel


Flanèl inggih menika salah satunggaling jinis kain tenun ingkang lembut. Kain menika ingkang alus kaliyan gampil anggènipun kraket ingkang kadamel saking wol lan wonten ugi ingkang dipun-campur kaliyan katun utawi serat sintetis. Wonten ugi ingkang mastani bilih kain flanèl ingggih menika kain felt (saking basa Inggris).

Sakmenika kain flanèl menika kathah ingkang remen, awit saking reginipun ingkang mirah ugi kathah dipunpanggihaken wonten toko - toko. Mliginipun priyantun estri ingkang remen dedamelan aksesoris. Usaha saking flanèl menika kathah ingkang remen amargi saking modal boten kathah. Ananging ingkang paling wigati inggih menika niat kaliyan kreatifitas. Amargi kanggé ndamel kerajinan saking bahan adhedhasar flanèl menika mbetahahaken daya kreatifitas ingkang ndadosaken kerajinan menika menarik kanggé tiyang sanès.

Flanèl menika kaginakaken kanggé kerajinan tangan utawi handicraft. Jinising kerajinan tangan ingkang saged kadamel saking bahan flanèl kadosta :

  1. boneka
  2. gantungan kunci flanèl,
  3. gantungan hp flanèl,
  4. pigura foto,
  5. tempelan kulkas,
  6. bros
  7. jepitan rambut
  8. kalung flanèl
  9. sampul / samak buku
  10. hiasan gambar wonten ing kaos.

Sejarah flanel[sunting | sunting sumber]

Flanèl menika jinising kain ingkang paling sepuh wonten ing sejarah manungsa, langkung sepuh tinimbang kain tenun lan kain rajut. Awit wonten bukti saking arkeologi British Museum ingkang nerangaken bilih bahan benang ingkang kaping satunggal dipuntepangi déning manungsa kadamel kanthi ngangin-anginaken serat janganan wonten ing papan ingkang inggil. Wonten ing Turki, tilasing pangginaan flanèl dipunpanggihaken kirang langkung 6500 SM. Jinising kain flanèl ingkang rumit ugi kapanggihaken kanthi kondisi dipunawètaken wonten ing makam Siberia ingkang asalipun saking taun 600 M [1].

Flanèl menika sampun dipundamel nalika abad kaping 17 ingkang kadamel lan kawéntar wonten ing Wales. Ananging anggènipun ngginakaken lajeng nyebar wonten donya lan sakmenika wonten ingkang ngginakaken kagem ndamel klambi anget ingkang ènthèng.

Wonten ing Amerika Lor, flanèl asring dipunubungaken kaliyan busananipun tiyang-tiyang ingkang negor utawi nebang wit, petani, lan ahli kayu. Amargi kathahipun tiyang ingkang makarya kanthi kelas madya mangandhap nelasaken kathah wekdal wonten ing njawi griya. Saéngga mbetahaken klambi ingkang anget saking bahan flanèl menika. kain flanèl menika ugi asring kanggé ndamel piyama kanggé lare-lare wonten ing musim adhem ugi saged kanggé tiyang ingkang sampun dewasa.

Flanèl dados kain ingkang katampi wonten ing budaya pop Amerika wonten ing wiwitaning taun 1990-an nalika medalipun musik grunge. Band Grunge ing Seattle, Wahington, Amerika Serikat saha Vancouver, British Columbia ing Kanada ngagem klambi flanèl kanggé nglawan cuaca adhem esktrim saking lingkungan. Awit saking menika kalin flanèl dados fashion item wonten ing Amerika Lor pinten-pinten taun [2].

Cathetan Suku[sunting | sunting sumber]

  1. ^ [1], Kerajinan kain flanel - Anneahira (dipun-akses tanggal 26 Oktober 2012).
  2. ^ [2], Kerajinan kain flanel - Anneahira (dipun-akses tanggal 26 Oktober 2012).
Sumber artikel punika saking kaca situs web: "http://jv.wikipedia.org/w/index.php?title=Flanel&oldid=851525"