Filologi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Filologi iku sawijining kawruh ngenani sastra-sastra sajroning pangertèn amba sing uga ngandhut wengkon basa, sastra lan budaya.[1] Filologi iku nyinaoni tèks utawa sastra mawa kombinasi ngèlmu sastra, sajarah lan linguistik.[2] Ing Tanah Jawa utawa ing Indonésia sacara umum, objèk panlitèn filologi iku naskah-naskah kuna sing diturunaké ing dluwang utawa rontal. Dadi filologi diréwangi ngèlmu kodikologi lan paléografi. Kodikologi iku ngèlmu perkara buku-buku lan paléografi iku ngèlmu perkara sajarah aksara. Anggenipun panaliten filologi utawi panaliten wontwn ing naska-naskah kuna, kedah nggatosaken tata caraning panaliten. amargi objek filologi utawi naskah menika kalebet benda bersejarah ingkang kedah dipunjaga kawontenanipun.

Étimologi[sunting | sunting sumber]

Tembung filologi iku dijupuk saka basa Yunani φιλολογία (philologia),[3] sing kabangun saka tembung φίλος (philos), tegesé "asih, sayang, katresnan, kanca" lan λόγος (logos), sing tegesé "tembung, sabda, artikulasi lan akal". Tembung majemuk iki karepé katresnan marang kawruh, sastra utawa ngèlmu argumèntasi.

Sajarah filologi[sunting | sunting sumber]

Filologi muncul ing banawa Eropah ing jaman Renaisans. Kala iku wong dadi sadar menawa tèks-tèks lawa sing diwarisaké iku akèh sing rusak. Utamané tèks-tèks wigati kaya ta kitab suci akèh sing dadi peteng utawa rusak déné kerep tinulad.

Doning ngèlmu filologi[sunting | sunting sumber]

Don utawa tujuan ngelmu filologi iku utamané kanggo mbenakaké teks-teks lawas sing rusak lan uga diarani kritik tèks. Nanging iki dudu siji-sijiné obyèk panlitèn filologi. Filologi uga ngenani tafsir utawa interpretasi tèks.

Ing Nuswantara ana sawetara panemu ngenani filologi iki. Miturut Siti Barioh lan sakancané, tujuan filologi, yaiku kanthi nggarap naskah, filologi ...

Cathetan sikil[sunting | sunting sumber]

  1. ^ Pengantar Teori Filologi. (Siti Baroroh Baried et al (1985:1))
  2. ^ Philology
  3. ^ Philologia, Liddell and Scott, "A Greek-English Lexicon", at Perseus

Daftar pustaka[sunting | sunting sumber]

  • (id) Siti Baroroh Baried, Siti Chamamah Soeratno, Sawoe, Sulastin Sutrisno, Moh. Syakir, 1985, Pengantar Teori Filologi. Jakarta: Pusat Pembinaan dan Pengembangan Bahasa Departemen Pendidikan dan Kebudayaan
Sumber artikel punika saking kaca situs web: "http://jv.wikipedia.org/w/index.php?title=Filologi&oldid=829011"