Ferdinand II saka Aragon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ferdinand II
Raja Aragon, Raja Napoli, lan liya-liyané.
FerdinandIIA.jpg
Mréntah 1479-1516
Miyos 10 Maret 1452
Tilar donya 23 Januari 1516 (umur 63)
Spanyol
Pendahulu Juan II (Aragon)
Louis XII (Napoli)
Pangganti Karl V, Kaisar Romawi Suci
(Carlos I saka Spanyol)
Consort Isabella saka Kastilia
Yoga Juana saka Kastilia
Isabel saka Asturias
Juan, Pangéran Asturias
María saka Aragon
Catalina saka Aragon
Wangsa Wangsa Trastamara
Bapa Juan II
Ibu Juana Enriquez

Ferdinand II saka Aragon "Sang Katulik" (Basa Spanyol: Fernando de Aragón "el Católico", basa Katalan: Ferran d'Aragó "el Catòlic", basa Aragon: Ferrando II d'Aragón "lo Catolico", uga Fernando V saka Spanyol; lair 10 Maret 1452 – tilar donya ing Spanyol, 23 Januari 1516 kanthi umur63 taun) iku Raja Aragon (14791516), Kastilia, Sisilia (14681516), Napoli (15041516), Valencia, Sardinia lan Navarra sarta Pangéran Barcelona. Masa pamaréntahan Ferdinand, bebarengan sisihané Isabel, arupa awal saka kajayan Spanyol ing Eropah lan ing donya.

Ferdinand iku putrané Juan II saka Aragon liwat sisihan kapindhoné, bangsawan Kastilia Juana Enriques. Panjenengané palakrama karo Isabel, sedulur tiri lan pawaris takhta Raja Enrique IV saka Kastilia, ing Valladolid, 19 Oktober 1469. Panjenengané dadi raja suri Kastilia nalika Isabella munggah takhta ing Kastilia ing taun 1474. Nalika Ferdinand marisi takhta bapané ing Aragon (1479), takhta Kastilia lan takhta Aragon ing Spanyol dimanunggalaké liwat pasangan iki. Pasangan iki ditélakaké minangka Panguwasa Katulik déning Paus Aleksander VI. Awal kakuwasaan kaloroné dipigunakaké kanggo naklukaké Granada, dhaérah Islam pungkasan ing Iberia, sing kasil digayuh taun 1492. Ing taun kang padha, dumadi pangusiran gedhé-gedhéan marang Muslim lan Yahudi ing Iberia, lan pangiriman Christopher Colombus sing pungkasané mawa penemon-panemonané ing Donya Anyar. Panjenengané uga napakastani Prajanjian Tordesillas (1494), sing mérang dhaérah kakuwasaan Portugal lan Spanyol.

Sabanjuré panjenengané katut jroning rebutan wilayah-wilayah ing Italia karo Karajan Prancis, sing disebut Peperangan Italia. Dibantu jendralé Gonzalo Fernández de Córdoba, Fernando kasil ngrebut manèh Napoli saka tangan Prancis taun 1504. Panjenengané uga nuli kasil ngrebut Navarra, Milan (nanging nuli direbut manèh déning Prancis), lan nggabung karo Liga Suci Venesia lan Prajanjian Westminster. Ferdinand tilar donya ing Madrigalejo, Cáceres, Extremadura, taun 1516.

Didhisiki déning:
Juan II
Raja Aragon, Valencia, Majorca, lan Pangéran Barcelona
1479-1516
Diganti déning:
Carlos I
Didhisiki déning:
Juan II
Raja Sisilia
1468-1516
Diganti déning:
Carlos I
Didhisiki déning:
Louis XII
Raja Napoli
1504-1516
Diganti déning:
Carlos I
Didhisiki déning:
Catalina
Raja Navarre Hulu
1512-1515
Diganti déning:
diserap ke Tahta Kastilia
Didhisiki déning:
Enrique IV
Raja Kastilia lan Leon
1474-1504
bebarengan Isabel I
Diganti déning:
Juana lan Felipe I