Fanerozoikum

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Biodiversitas ing zaman Fanerozoikum

Fanerozoikum yaiku zaman geologi kanthi watu-watu kang ngandhut jasad lan urip kéwan kang akèh banget.[1] Zaman iki diwiwiti watara 545 yuta taun kepungkur nalika kéwan kang nduwé cangkang atos sepisanan tuwuh lan isih lumaku terus ing wektu kuwi. Jeneng Fanerozoikum diturunaké saka basa Yunani kang tegesé panguripan kang kétok (kehidupan kasat mata), amarga adhédhasar akèhé organisme wiwit bledhosan Kambrium. Zaman Fanerozoikum uga ditandhani karo tuwuhé kéwan-kéwan kang sepisanan tuwuh ana ing cathetan fosil.[2] Fanerozoikum dipantha dadi telung era, yaiku Paleozoikum, Mesozoikum, lan Kenozoikum.

Zaman sadurungé diwiwiti zaman Fanerozoikum diarani Prekambium. Zaman Prekambium ora suwé iki dipantha manèh dadi eon Hadean, Arkean, lan Proterozoikum. Batesan kang trep antarané Fanerozoikum lan Prekambium rada kurang bisa dipesthèkaké. Ing abad kaping 19, batesané dipatok ing fosil sepisanan, yaiku metazoa. Nanging, ora suwé iki wis kasil ditemokaké atusan taksa metazoa prekambium lumantar studi sistematik kang diwiwiti taun 1950-an. Akèh ahli geologi lan paleontologi kang netepaké bates antarané prekambium lan fanerozoikum ing sawetara titik, (1) nalika trilobita lan arkaeociata wiwit metu sepisanan, (2) nalika Trichophycus pedum, salah sawijiningg organisme penggali kompleks sepisanan metu. Uga (3) metuné sawijining klompok organisme cilik kang nduwé cangkang kang diarani fauna kecil bercangkang. Telung titik bates iki béda yutanan taun antara siji lan sijiné.

Periode wektu Fanerozoikum wis nglebokaké akèh filum kéwan, evolusi filum-filum kasebut dadi bentuk, metuné tetanduran dharat, perkembangan tetanduran kompleks, evolusi iwak, metuné kéwan dharat, sarta perkembangan fauna modern. Sasuwéné periode iki, lempengan dharatan alon-alon nyawiji dadi sawijining klomok dharatan kang diarani Pangea. Sabanjuré kepisah dadi bentuk-bentuk benua kaya saiki.


Cathetan suku[sunting | sunting sumber]

  1. ^ (id)Daftar kosakata geografi (diundhuh 6 Maret 2013)
  2. ^ drama Evolusi Tanaman sebagai Pemicu Oksigenasi di Bumi(diundhuh 8 Maret 2013)

Pranala njaba[sunting | sunting sumber]

Logo Wikimedia Commons
Pirsani galeri bab Fanerozoikum ing Wikimedia Commons.

Skala wektu géologi: eon lan éra
(jroning yuta taun)

Sumber artikel punika saking kaca situs web: "http://jv.wikipedia.org/w/index.php?title=Fanerozoikum&oldid=836991"