Falconry

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Falconry

Falconry (/falkənrɪ/) utawi hawking (saking Basa Inggris tegesipun "buru ngginakaken elang") menika jinising olahraga ingkang ngginakakenfalcon (jinis elang utawi alap-alap) utawi ugi hawk (rajawali) wonten ing kegiatan berburu.[1][2][3][4] Tiyang ingkang mahyakaken falconry dipunsebat falconer.[2] Olahraga menika merlokaken kesabaran lan keprigelan anggènipun nglatih peksi.[2] Peksi kedah saged dipundamel kuthuk (jinak) lan dipunwulang supados nglampahi manéka kegiatan kagos mabur lajeng balik malih ing tanganipun majikan.[2] Wonten ing taun 2010, salah satunggaling olahraga paling tua ing donya menika kadaphtaraken dhateng Dhaptar Representatif Budaya Takbenda Warisan Manungsa UNESCO dening kathah negara, antawisipun Republik Korea, Uni Emirat Arab, Belgia, Republik Ceko, Perancis, Mongolia, Maroko, Qatar, Arab Saudi, Spanyol lan Suriah.[5][6]

Sajarah[sunting | sunting sumber]

Falconry menika salah satunggaling olahraga paling tua ing donya ingkang sampun dipunwahyakaken kapisan wonten ing Timur Tengah saking abad kaping 8 SM.[1] Salajengipun tradisi menika mekar wonten ing Eropa mliginipun wonten ing kelompok bangsawan ing abad tengahan.[1] Kala menika saben kelas sosial dipunparingi jinis peksi pemangsa tartamtu kanggé dipuniculaken minangka simbol kedudukan.[2] Raja ngeburaken gyrfalcon déné budak ngeburaken goshawk.[2] Wonten ing Asia, falconry mekar wonten ing Timur Tengah, Asia Tengah, Mongolia, Korea, Cina lan Jepang.[7] Falconry ing Korea kawiwitan saking zaman Tiga Kerajaan (57 SM-668) lan salajengipun dipuntepangaken dhateng Cina lan Jepang.[8][9] Wonten ing Jepang adicara menika dipunsebat Takagari.[9] Saking abad kaping 17 olahraga falconry mandhap kondhangipun bibar dipunpanggihaken senapan lan kathah lahan ingkang dipunbikak kanggé tetanèn. [1][2] Samenika falconry namung sekedhik dipunwahyakaken déning manungsa, namung winates ing kelompok-kelompok lan asosiasi hawking kemawon.[1] Ing Korea Selatan namung kalih tiyang ingkang ahli falconry tradisional (maesanyang).

Peksi ingkang dipunginakaken[sunting | sunting sumber]

Falcon Peregrine, jinis peksi pemangsa ingkang paling kondhang ing falconry.
Gyrfalcon

Peksi ingkang dipunginakaken ing acara falconry menika manéka jinsi peksi pemangsa antawisipun Falcon Peregrine, goshawk, lan sparrow hawk.[2] Peksi menika dipuncekel lajeng dipunpiara saking alit.[1] Sanajan saben jinis peksi pemangsa saged dipunlatih kangge mabur kanthi bebas lan balik ing tanganipun majikan, ananging namung wonten sekedhik spesies kemawon ingkang kanthi tradisinonal dipunginakaken wonten ing falconry.[4]

Piranti[sunting | sunting sumber]

Transmiter ingkang kapasang wonten ing jesses rajawali harris.

Pelatihan menika kalebet pangginaan piranti falconry kados kerudung (rufter) lan iket sikil (jesses) kanggé njagi supados peksi tetep wonten ing kendali. [1]

Piranti khusus ingkang dipunprelukaken ing falconry kadosta[2]:

  • hood utawi rufter, kerudung saking kulit kanggé nutup mata peksi supados polahipun anteng.
  • lonceng alit utawi transmiter radio ingkang dipunpasang wonten ing sikil peksi supados saged dipunlacak menawi ical.
  • leg straps utawi jesses ("iket sikil") dipunginakaken kanggé mengendalikan obah owahipun peksi nalika méncok ing tangan.
  • sarung tangan kandhel ingkang dipunginakaken kanggé njagi tangan falconer saking cakar.

Pirsani ugi[sunting | sunting sumber]

Cathetan suku[sunting | sunting sumber]

Commons-logo.svg
Wikimedia Commons gadhah galeri bab:
  1. ^ a b c d e f g Steven, Mark A (2000). Merriam Webster's-Collegiate Encyclopedia. Merriam Webster, Inc , Springfield, Massachusetts. pp. 652. ISBN 0-87779-071-5.
  2. ^ a b c d e f g h i The World Book Encyclopedia. World Book, Inc.. 2006. ISBN 0-7166-0106-0.
  3. ^ (en) Falconry, a living human heritage, unesco.org.
  4. ^ a b Encyclopedia Americana, Volume 12. Grolier Incorporated. 1995. pp. 852-854. ISBN 0-7172-0126-0.
  5. ^ (en) Falconry, a living human heritage, unesco.org. Diakses pada 14 Desember 2010.
  6. ^ (en) Tiga Aset Budaya Non-bendawi Korea Terdaftar Dalam Warisan Dunia UNESCO, kbs.co.kr.
  7. ^ (en) Falconry and cult of birds of prey in Middle Asia, falconryheritage.org.
  8. ^ (en) Lee Jin-soo (Summer 1990). "Yesterday's Korea Called Them "Flowers Of Youth" : In Korea Sports Are As Old As Humanity". Koreana 4: 7-16. http://koreana.kf.or.kr/pdf_file/1990/1990_AUTUMN_E007.pdf.
  9. ^ a b (en) Japanese Falconry – History & Cultural Aspects, ncjf.sakura.ne.jp.
Sumber artikel punika saking kaca situs web: "http://jv.wikipedia.org/w/index.php?title=Falconry&oldid=843193"