FESPIC Games

FESPIC Games utawa cekakan saka the Far East and South Pacific Games for the Disabled (basa Jawa 'Pista Ulah raga Kaum Disabilitas Wétan Adoh lan Pasifik Kidul'), iku mbiyèn pista ulah raga sing gedhé dhéwé ing Asia lan kawasan Pasifik Kidul.

FESPIC Games sing diwiwiti ing taun 1975, naté dianakaké kaping sanga lan pungkasané dianakaké kanthi suksès ing Dhésèmber 2006, ing Kuala Lumpur. FESPIC naté dianakaké ing Surakarta, Jawa Tengah antara 31 Agustus - 7 September 1986.

Kanggo nagara-nagara Asia, FESPIC Games diganti karo Asian Para Games ing taun 2010 ing Guangzhou, China sawisé Asian Games kaping 16 dianakaké. Asian Para Games iku pista ulah raga paralèl karo Asian Games sing dianakaké sawisé Asian Games rampung. FESPIC lan Asian Games wis ngadopsi stratégi sing dienggo déning Pista Ulah raga Olimpiade lan Paralimpiade ya iku nganakaké pista ulah raga iki ing kutha sing padha.