Entomologi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sebahagian koleksi kumbang

Cithakan:Zoologi Entomologi (saking Greek ἔντομος, entomos, "ingkang punika dipunkethok wonten ing wujud lembaran / bagéyan", mila "insect"; lan -λογία, -logia[1]) inggih punika èlmu ingkang nyinaoni bab serangga. Ananging, tegesipun punika ugi dipunwiyaraken kanggé nyinaoni bab artropoda (kewan ingkang gadhah ros-ros]] anesipun, mliginipun temangga lan kerabatipun (Arachnida utawi Arachnoidea), saha luwing lan kerabatipun (Millepoda lan Centipoda). Teges punika asalipun saking kalih tembung Latin inggih punika entomon ingkang tegesipun serangga lan logos ingkang tegesipun elmu pengetahuan.[2]

Kajian Entomologi[sunting | sunting sumber]

Minangka satunggaling dhisiplin elmu ingkang sampun ngrembaka kanthi cepet, entimologi saged dipunpérang dados kalih cabang èlmu, inggih punika Entomologi Dhasar lan Entomologi Terapan. Entomologi Dhasar kaperang malih dados sub- sub cabang elmu ingkang langkung wigati, ing antawisipun inggih punika:

  1. Morfologi Serangga inggih punika elmu ingkan nyinaoni wujud lan struktur badanipun serangga, padatanipun langkung nengenaken wonten ing wujud lan struktur njawinipun badanipun serangga.
  2. Anatomi lan Fisiologi Serangga, inggih punika èlmu ingkang nyinaoni struktur organ lebetipun serangga saha fungsinipun.
  3. Perilaku Serangga, inggih punika elmu ingkang nyinaoni punapa ingkang kedah dipuntumindakaken dening serangga, lan kenging punapa serangga nindakaken perkawis kasebat.
  4. Ekologi Serangga, inggih punika elmu ingkang nyinaoni hubunganipun serangga kaliyan lingkunganipun saking lingkungan biotik (organisme sanesipun) utawi lingkungan abiotik, (faktor fisik lan kimia).
  5. Patologi Serangga, inggih punika elmu ingkang nyinaoni serangga ingkang lara saking ing tingkat piyambakan (patobiologi) utawi ing tingkat populasi (epizootiologi).
  6. Taksonomi Serangga, inggih punika elmu ingkang nyinaoni bab tata nama lan penggolonganipun serangga.

Dene entomologi terapan, sak punika sampun dipunperang dados sub- sub dhisiplin ingkang langkung wigati, inggih punika:

  1. Entomologi Forensik, ingkang fokus kajianipun wonten ing panaliten bab sedaning manungsa kanthi ngginakaken serangga minangka dalan pitedahipun. Jinis, fase pagesangan lan suksesi serangga ingkang ngrubungi mayit, kados ta jinis laler, tuladhanipun Cochliomyia macellaria, Hydrotaea aenescens,

lan Sarcophaga haemorrhoidalis lan kumbang bangke kados ta Nicrophorusorbicollis lan Necrophila americana ingkang dipunginakaken kangge mredhiksi wekdal lan papan sedanipun manungsa ingkang sampun mati kala wau.

  1. Entomologi kedokteran (Medical Entomology), ingkang dados fokus kajianipun inggih punika wonten ing golonga serangga ingkang ngganggu manungsa, saking niku ingkang langsung nyokot mangsanipun kados ta tawon, lebah, kutu, lan serangga ingkang gadhah wisa sanesipun, utawi ingkang boten langskung kados ta ingkang dados vektor penyakit, tuladhanipun laler, lemut, kecoa, lan pinjal.
  2. Entomologi Peternakan (Veterinary Entomology)
  3. Entomologi perkotaan (Urban Entomology)
  4. Entomologi Kehutanan (Forest Entomology)
  5. Entomologi Pertanian (Agricultural Entomology)

Cathetan Suku[sunting | sunting sumber]

  1. ^ Liddell, Henry George and Robert Scott (1980). A Greek-English Lexicon (Abridged Edition). United Kingdom: Oxford University Press. ISBN 0-19-910207-4.
  2. ^ (id)ENTOMOLOGI (dipunundhuh tanggal 8 Pebruari 2013)
  • Chiang, H.C. and G. C. Jahn 1996. Entomology in the Cambodia-IRRI-Australia Project. (in Chinese) Chinese Entomol. Soc. Newsltr. (Taiwan) 3: 9-11.
  • Davidson, E. 2006. Big Fleas Have Little Fleas: How Discoveries of Invertebrate Diseases Are Advancing Modern Science University of Arizona Press, Tucson, 208 pages, ISBN 0-8165-2544-7.
  • Triplehorn, Charles A. and Norman F. Johnson (2005-05-19). Borror and DeLong's Introduction to the Study of Insects, 7th edition, Thomas Brooks/Cole. ISBN 0-03-096835-6. — a classic textbook in North America.
  • Grimaldi, D. & Engel, M.S. (2005). Evolution of the Insects. Cambridge University Press. ISBN 0-521-82149-5.
  • Capinera, JL (editor). 2008. Encyclopedia of Entomology, 2nd Edition. Springer. ISBN 1-4020-6242-7.ed:Entomology
Sumber artikel punika saking kaca situs web: "http://jv.wikipedia.org/w/index.php?title=Entomologi&oldid=836455"