Emping mlinjo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Emping mlinjo
Emping.jpg
Emping nuju dipépé
Informasi
Asal Indonésia
Dhaérah Jawa Wétan
Penyajian lan bahan
Bahan Woh mlinjo
Emping sawisé digorèng

Emping mlinjo iku panganan garing sajinis krupuk kang digawé saka woh mlinjo. Emping mlinjo duwèni akèh rasa, yaiku legi, gurih, lan ana uga sing pedhes. Emping mlinjo bisa dipangan minangka panganan cemilan nanging uga kerep dienggo tambahan ing menu masakan kaya ing masakan Soto Betawi utawa gadho-gadho.

Panganan emping iki akèh diasilaké déning pengusaha cilik menengah, kayata ing Kabupatèn Batang utamané ing Kecamatan Limpung, Kabupatèn Magetan, Jawa Wétan, utawa ing Kabupatèn Bantul. Emping sebagéan diékspor menyang Wétan Tengah.

Emping bisa uga digawé saka bahan sing dudu mlinjo, anggeré ngandhut pathi sing cukup. Ana emping digawé saka jagung (ing Yogyakarta) sarta saka umbi teki. Déné emping ingkang wujudé bunder disebat emping klethuk.Emping klethuk kuwi rasané macem-macem, ana asin, pedes, pedes-manis, peses asin, lan sanes-sanesé.

Cara Panggawéné[sunting | sunting sumber]

  1. Mlinjo dioncèki saka kulité
  2. Isi mlinjo banjur di godhog saumuban
  3. Banjur isi mlinjo dioncèki saka kulit ariné
  4. Banjur digèpèngaké utawa di giling
  5. Banjur dipépé sagaringé
  6. Banjur diwènèhi bumbu legi, gurih, utawa pedhes


Sumber artikel punika saking kaca situs web: "http://jv.wikipedia.org/w/index.php?title=Emping_mlinjo&oldid=829203"