Emirsyah Satar
Emirsyah Satar (lair ing Jakarta, 28 Juni 1959; umur 64 taun) inggih punika Dhiréktur Utami PT Bank Danamon Indonésia Tbk (2003-2005). Panjenenganipun pinitados njabat Dhiréktur Utami PT Garuda Indonésia.[1][2]
Emirsyah punika lulusan Fakultas Èkonomi Jurusan Akuntansi, Universitas Indonésia (1985).[1] Panjenenganipun naté njabat dados Dhiréktur Kauangan PT Garuda Indonesia, minangka gantosipun Indra Setiawan ingkang kedahipun njabat ngantos taun 2003.[1] Emirsyah miwiti kariéripun minangka auditor ing PricewaterhouseCoopers, Jakarta 1983.[1] Kalih taun salajengipun, panjenenganipun ndhèrèk kaliyan Citibank Jakarta minangka Asisten Vice President of Corporate Banking Group.[1] Saking taun 1990-1994 Emirsyah njabat General Manager Corporate Finance Division Jan Darmadi Group ing Jakarta.[1]
Nalika taun 1994 ngantos Januari 1996, Emirsyah pinitados dados Présidhén Dhirektur PT Niaga Factoring Corporation, Jakarta.[1] Satunggal taun salajengipun, dados Managing Director (CEO) Niaga Finance Co. Ltd, ing Hongkong.[1] Salajengipun lajeng njabat Dhirektur Kauangan (CFO) ing PT Garuda Indonesia saderengipun ndhèrèk nggabung kaliyan Bank Danamon minangka Wakil Dhirektur Utami (2003-2005).[1] Emirsyah Satar pinitados dados Dhirektur Utami Perusahaan Garuda Indonésia kanthi wakil Soenarko Kuntjoro (Dirut Gapura Angkasa) minangka dhiréktur teknik kanggé nggantos Richard BS lan Agus Priyanto (General manager Garuda ing Frankfurt, Jerman) minangka dhirektur niaga nggantosaken Bahrul Hakim.[1] Déné dhiréktur operasi tetep dipunjabat Rudi A. Hardono.[1]
Cathetan suku[besut | besut sumber]
- ↑ a b c d e f g h i j k BIOGRAFI Emirsyah Satar Dirut Garuda Indonesia Archived 2012-01-28 at the Wayback Machine. dipunundhuh tanggal 9 Oktober 2011)
- ↑ Emirsyah Satar: Di Kursi Panas Archived 2012-01-28 at the Wayback Machine. dipunundhuh tanggal 9 Oktober 2011)
Pranala njawi[besut | besut sumber]
Emirsyah Satar: Di Kursi Panas Archived 2012-01-28 at the Wayback Machine.
| Artikel iki minangka artikel rintisan. Kowé bisa ngéwangi Wikipédia ngembangaké. |