Elang ireng

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Elang hitam
Status konsèrvasi
Klasifikasi èlmiah
krajan: Animalia
filum: Chordata
kelas: Aves
ordo: Accipitriformes
kulawarga: Accipitridae
Genus: Ictinaetus
Blyth, 1843
Species: I. malayensis
Jeneng binomial
Ictinaetus malayensis
Temminck, 1822

Elang ireng yaiku sejenis manuk pemangsa saka suku Accipitridae lan siji-sijiné anggota marga Ictinaetus. Dijenengi mengkono yaiku amarga warna wuluné kang sekabèhané wernané ireng. Senajan ana uga sapérangan jinis elang liyané kang warnané uga ireng.

Idèntifikasi[sunting | sunting sumber]

Elang ireng saka Carita, Pandeglang, Banten

Manuk kang ukurané gedhe, kanthi dhawa (saka cucuk nganti pucuk buntut) kira-kira 70 cm. Swiwi lan buntuté dawa, nganti manuk iki katon gedhé yèn lagi mabur. Sekabèhané awak wernané ireng, kajaba sikil lan sera (bongkote cucuk) kang warnané kuning. Sejatiné ana pola pucat ing bongkoté wulu-wulu primèr ing swiwi lan garis-garis samar ing buntut kang bisa katon nalika manuk iki mabur mlakang, nanging umumé ora gampang kanggoné ngamati.[1] Manuk lanang lan wadon warnané lan ukurané padha.

Swiwi yèn lagi mabur katon lurus, rada mbentuk huruf V, kanthi bongkoté swiwi luwih ciyut tinimbang tengahé, sarta wulu primèr kang paling jero mbéngkok khas, bédakaké saka elang brontok (Spizaetus cirrhatus) bentuk kang ireng. Elang ireng uga kerep mabur alon, endèk cepak kanopi (atap tajuk) alas. Wulu Primèr luwih akèh ngepangé.

Ana 2 pose mabur, nalika gliding (ngluncur) lan soaring (umpetan). Nalika gliding wulu paling pucuk nekuk menjero, lan nalika soaring wulu iki kagelar lan katon nyamping.

Swara, biasané diswarakaké sinambi mabur duwur muter-muter, klii-ki …klii-ki utawahi-li-liiiuw. Manuk enom warnané pucet, kanthi coret-coret kuning pucet ing sisih ngisor awak lan swiwi.

Panyebaran lan kabiyasan[sunting | sunting sumber]

Elang ireng nyebar amba wiwit saka India, Sri Lanka nganti Asia Tenggara, Sunda Besar, Sulawesi, lan Maluku.

Manuk iki urip mencar ing dataran rendah, alas perbukitan nganti wilayah kang bergunung-gunung ing keduwuran sekitar 1.400 m (ing Jawa nganti sekitar 3.000 m) dpl.

Manuk iki mangsa anéka jinis mamalia cilik, kadal, manuk, lan utamané endog. Elang ireng dikenal minangka manuk prampok susuh. Mabur éndah, manuk iki kerep katon mabur kanthi pasangan ing sisih bukit utawa pèrèng gunung. Kanthi tangkas lan gampang, elang iki mabur metu mlebu lan ing selah-selahé tajuk wit-witan.[2] Cakaré kang kuwat kaspesialisasi kanggo nyamber lan nyengkrem mangsané kanthi èfèktif.

Susuh kang ukurané gedhé digawé saka pang-pang cilik lan gegodhongan kang kasusun kandel, dipapanaké ing cawangé wit kang duwur ing alas kang ketel. Ngendog siji utawa loro iji, bunder oval, sekitar 65 x 51 mm, kanthi warna kuning tuwa kanthi toh coklat semu abang. Ing Jawa manak ing sekitar wulan Mei.[3]

Status konservasi[sunting | sunting sumber]

Minangka manuk pemangsa, elang ireng manggoni puncak rantai pakanan jero ekosistemné. Senajan populasiné isih kagolong akèh, manuk iki nyebar kawates ing wilayah-wilayah kang ana alasé. Elang ireng kajaga déning undang-undang RI.[4] Wondené miturut IUCN, manuk iki kanti status LC (least concern, kanti esiko endèk). [5]

Jinis kang mèmper[sunting | sunting sumber]

Cathetan Sikil[sunting | sunting sumber]

  1. ^ MacKinnon, J., K. Phillipps, dan B. van Balen 2000. manuk-manuk di Sumatera, Jawa, Bali dan Kalimantan. LIPI dan BirdLife IP. Bogor. ISBN 979-579-013-7. Hal. 95.
  2. ^ MacKinnon, J. 1993. Panduan lapangan pengenalan Burung-burung di Jawa dan Bali. Gadjah Mada University Press. Jogyakarta. ISBN 979-420-150-2. Hal. 102.
  3. ^ Hoogerwerf, A. 1949. De Avifauna van de Plantentuin te Buitenzorg. de Koninklijke Plantentuin van Indonesie. Buitenzorg (Bogor). Hal. 22.
  4. ^ Noerdjito, M. dan I. Maryanto. 2001. Jenis-jenis Hayati yang Dilindungi Perundang-undangan Indonesia. Cet-2. Puslit Biologi LIPI. Bogor. ISBN 979-579-043-9. Hal. 46.
  5. ^ BirdLife International. 2004. Ictinaetus malayensis. In: IUCN 2007. 2007 IUCN Red List of Threatened Species.. Kaunduh 15/3/13.

Pranala luar[sunting | sunting sumber]

Commons-logo.svg
Wikimedia Commons gadhah galeri bab:


Cithakan:Burung-stub

Sumber artikel punika saking kaca situs web: "http://jv.wikipedia.org/w/index.php?title=Elang_ireng&oldid=855574"