Eksoskeleton

Saka Wikipédia Jawa, bauwarna mardika basa Jawa

EKSOSKELETON[besut | besut sumber]

Eksoskeleton yaiku blongsong deposit sing atos ing pérangan njabané awak kéwan. Contoné, rata-rata moluska kablongsong ing sak jeroné bathok sing duwé kalsium (kalsium karbonat), sing disekresikna déning mantel, yaiku temboking awak sing dadi amba kaya lembaran.[1] Kairing modoting awaké kéwan, kéwan iku nggedhékaké diameter bathoké kanthi cara nambahi deposit ing pucuké pérangan njaba.

Urang uga kalebu kéwan sing nduwé eksoskeleton

Struktur Eksoskeleton[besut | besut sumber]

Sinaosa katon tipis, eksoskeleton nggadhi sistem kang angèl. Sacara struktural, eksoskeleton kadhapuk saka 2 lapisan, yaiku epidermis ing pérangan njero lan kutikula ing pérangan njaba.[2] Yèn pérangan kutikula asipat atos, nanging gampang remek, sewaliké epidermis asipat empuk nanging luwih fleksibel. Kutikula dipantha dadi 2 lapisan, yaiku epikutikula sing tipis lan ana ing paling njaba, sarta prokutikula sing ana ing njero. Epikutikula kasusun saka bahan lilin ing pérangan njaba lan lipoprotein. Prokutikula kasusun saka bahan kitin, protéin, lan bahan sanès. Prokutikula kapantha manèh dadi 2 lapisan yaiku eksokutikula sing ngandhut bahan kutikulin lan bahan warna (pigmèn); lan endokutikula. Epikutikula duwé tugas kanggo anti banyu saka kutikula. Ing pérangan njaba ana lapisan kutikulin sing nggawé kakuwatan epikutikula. Prokutikula yaiku pérangan sing wigati saka kutikula, lan ngalami sklerotisasi (pangatosan). Komponèn utama saka prokutikula yaiku kitin lan protéin.

Ganti Kulit (Moulting)[besut | besut sumber]

Eksoskeleton asipat ora bisa diolor. Mula yèn ukuran awaké saya gedhé, kudu ganti ukuran eksoskeletoné, utawa biyasa karan ganti kulit. Prosesé kaya mengkéné: 1. Kutikula lawas ucul saka panggonan nèmplèké (sèl epidermis)lan kagawé gang-gangan ing antarné kutikula lawas karo sèl epidermis. Kedadeyan iki karan apolisis 2. Sel-sèl epidermis malih gedhé lan nyigar. 3. Sel-sèl epidermis wiwit nggawé kutikula anyar. 4. Yèn sèl epidermis wis dumadi sampurna, sèl-sèl kulit (sèl epitel) ngetokaké sekresi sing bakal dadi lapisan lilin ing epikutikula 5. Kutikula lawas pecah ing daerah dorsal torak. 6. Kutikula anyar iki isih lemes. 7. Suwe- suwé kutikula anyar bisa dadi atos kaya déné kutikula lawas.

Cathetan suku[besut | besut sumber]

  1. Biologi Campbell Reece Mitchell Edisi Kelima-Jilid 3.kaca 254,Kerangka
  2. hewan[pranala mati permanèn](dipununduh tanggal 18 september 2012)