Drona
Begawan Drona utawi Resi Durna utawi Bambang Kumbayana inggih menika salah satunggalipun paraga wayang (tokoh wayang) saking wiracarita Mahabarata. Durna menika putranipun Resi Baratmadya saking Hargajembangan kaliyan Dewi Kumbini. Durna asalipun saking Atasangin. Durna menika dados gurunipun Sata Kurawa lan Pandhawa. Panjenenganipun menika priyantun ingkang ahli seni paperangan.
Durna kagungan pusaka sekti awujud keris Cundamanik lan Panah Sangkali (ing wekdal salajengipun panah menika dipunparingaken dhateng Arjuna).[1] Durna palakrami kaliyan Dewi Krepi, putrinipun Prabu Purungaji, raja negari Tempuru, lan pikantuk putra ingkang asmanipun Bambang Aswatama.[1] Durna kasil damel padepokan Sokalima sasampunipun kasil ngrebat meh sepalih wewengkon negari Pancala saking kakuaosanipun Prabu Drupada.[1]
Nalika perang Bharatayuda, Resi Durna pinitados minangka Senapati Agung Kurawa, sasampunipun Resi Bisma tiwas ing paprangan.[1] Resi Durna tiwas ing medan paprangan amargi tusukan pedhang Drestajumena, putranipun Prabu Drupada.[1]
Bab lan Paragraf |
[sunting] Watak kaprebadinipun
Watek kaprebadinipun Drona inggih menika sekti mandraguna, wasis babagan paperangan, nanging panjenenganipun watek kaprebadinipun ingkang kirang sae inggih menika gumedhe, wengis, lan kathah guneman.
[sunting] Pagesanganipun
Nalika taksih enem Drona kagungan asma timur (nama kecil) Kumbayana. Wonten ing salah satunggalipun versi, Kumbayana menika putranipun Resi Baratmadya saking Argajembangan kaliyan Dèwi Kumbini. Ing versi ingkang sanes, Kumbayana menika kagungan garwa Dèwi Wilutama ingkang dados jaran amargi kenging sepatanipun dewa. Ing Bharatayudha, Drona dipunperjaya pati déning Drestadyumna.
[sunting] Agastya
Poerbatjaraka, salah satunggalipun ahli purbakala, naté nyerat bilih Drona menika kadhang-kala dipunsebat Agastya. Pangiran menika dipunpendhet saking asma Kumbayana ingkang caket kaliyan asma kumbha sambhava, asma sanés Kumbayana..
[sunting] Delengen Uga
[sunting] Pranala njaba
- (id) Durna ing Bausastra Javanese Dictionary (bausastra.com)
[sunting] Cathetan Suku
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
