Donna Agnesia

Saka Wikipédia Jawa, bauwarna mardika basa Jawa
Donna Agnesia
LairDonna Agnesia Wayong
(1979-01-08) Januari 8, 1979 (umur 45)
Jakarta, Indonesia
BangsaIndonesia
PakaryanPresenter, Model, Artis
Taun aktif2004 - saiki
Dhuwur160 cm (5 ft 3 in)
BojoOkan Cornelius (pedhot)
Darius Sinathrya
AnakLionel Nathan Sinathrya Kartoprawiro
Diego Andres Sinathrya
Quinesha Sabrina Sinatriya
Wong tuwaEdwin Yoseph Wayong
Wendy Shirley O`Keefe

Donna Agnesia utawa kang duwé jeneng dawa Donna Agnesia Wayong lair ing Kutha krajan Jakarta tanggal 8 Januari 1979.[1] Donna Agnesia iku salah sijiné presenter, artis, lan model kang asalé saka Indonesia.[1]

Biografi[besut | besut sumber]

Donna Agnesia ngugemi agama Katolik.[1] Donna miwiti kariré nalika dhèwèké dadi modhél.[1] Donna iku anak nomer loro saka sadulur kang cacahé telu.[1] Sawisé dadi modhél Donna banjur njajal karir ing presenter.[1] Donna Agnesia dadi presenter ing acara siyaran langsung piala donya bal-balan 2006 ing SCTV.[1] Acara iki kang ndadékaké Donna Agnesia sangsaya misuwur lan sukses ing kariré.[1] Nalika iku, presenter wadon isih sithik tinemu, apamanéh dadi presenter ing acara ulah raga mligi bal-balan.[1] Donna bisa lancar njléntréhaké ngenani babagan tim bal-balan ing donya.[1] Nganti saiki, Donna Agnesia uga tau ditawani kanggo dadi presenter ing acara Senandung Pagi ing SCTV.[1]

Kauripan pribadi[besut | besut sumber]

Donna Agnesia nikah karo presenter kang jenengé Darius Sinathrya nalika tanggal 30 Dhésèmber 2006.[1] Kamangka Donna lagi waé mbatalaké pernikahané karo aktor lan bintang sinétron, Okan Cornelius.[1] Nalika tanggal 28 Juni 2007, Donna nglairaké anaké kang sepisanan.[1] Anak iki asil pernikahané karo Darius.[1] Anak kang sepisanan iki diwénéhi jeneng Lionel Nathan Sinathrya Kartoprawiro.[2] Nalika tanggal 5 Mèi 2009, Donna Agnesia nglairaké anak kang kaping pindho saka pernikahané karo Darius.[1] Anak kang kaping loro iki dijenengi Diego Andres Sinathrya.[1] Nalika tanggal 1 Mèi 2011, Donna nglairaké anaké kang kaping telu ya iku Quinesha Sabrina Sinatriya.[3]

Cathetan suku[besut | besut sumber]

  1. a b c d e f g h i j k l m n o p q selebriti.kapanlagi.com(dipunundhuh tanggal 18 Juli 2011)
  2. kapanlagi.com(dipunundhuh tanggal 18 Juli 2011)
  3. detikhot.com(dipunundhuh tanggal 18 Juli 2011)