Dominikus

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Santo Dominikus
José Gil de Castro y Morales - Santo Domingo, 1817.jpg

Lukisan Santo Dominikus karyanipun José Gil de Castro taun 1817.
Miyos 1170, Calaruega, Spanyol
Tilar donya 1221, Bologna, Italia
Dinten pèngetan 8 Agustus
Gloriole.svg Portal Santo

Santo Dominikus (1170-1221) punika pangadeg Ordo Pengkotbah (Order of Preachers) dipunsingkat OP ingkang dipunsebat ugi minangka Ordo Dominikan. Santo Dominikus[1] punika Santo Pangreksa para ibu ingkang gadhah pangajeng-ngajeng lan astronom.

Babad slira[sunting | sunting sumber]

Santo Dominikus dipunwiyosaken ing Calaruega, Spanyol nalika taun 1171 saking keluwarga Felix de Guzman lan Bl. Jean of Aza. Panjenenganipun nglampahi mangsa alitipun tanpa prastawa ageng ingkang nyolok.

Panjenenganipun dipuntahbisaken dados imam nalika tasih sinau ing Univèrsitas ing Palencia nalika taun 1198/1199. Panjenenganipun dados canon regular ing Osma, Spanyol ingkang tumut sacara ketat aturan ingkang dipunkembangaken déning St. Agustinus ing saandhapipun pimpinan Uskup Diego de Acebo.

Mei 1203, King Alfonzo VII ngutus uskup Diego kanggé ngatur palakrama putranipun, Infante don Fernando, kaliyan putri saking keluwarga karajan Denmark. Palakrama kasebat dipunajengaken saged ngraketaken rélasi pulitik antawisipun Castile (Spanyol), Denmark lan Prancis. Salebetipun lelampahan, tepatipun ing Toulouse, Prancis Kidul, Dominikus ingkang ngrécangi uskupipun kanggé sepindahipun adhep-adhepan kaliyan bidaah Albigensian ing satunggiling panginepan. Dominikus dhebat sedalu natas kaliyan ingkang gadhah panginepan kasebat lan nalika srengéngé mlethèk, ingkang kagungan panginepan kasebat wangsul dhumateng iman katulik.

Ing Denmark, Uskup Diego pepanggihan kaliyan Uskup Agung Andrew Sunesen lan rencana palakrami dipunsarujuki. Nalika taun 1205, Uskup Diego ngawontenaken lelampahan kaping kalih dhumateng Denmark kanggé methuk sang putri, ananging rencana palakrami dipunbatalaken setunggal pihak déning sang putri. Sasampunipun misi ing Denmark, Uskup Diego tindak dhumateng Roma lan nglajengaken lelampahanipun dhumateng Montpellier, Prancis Kidul ing pundi bidaah Albigensian lan Catharist ngancam Gréja Katulik. Ing mrika, panjenenganipun pepanggihan kaliyan tiga 'pontiff legates' Arnoud Amaury, Peter of Castelnau, lan Maitre Raoul ingkang ngalami frustasi salebetipun misinipun merangi bidaah. Uskup Diego salajengipun gadhah inisiatif kanggé mbiyantu katiga utusan paus kasebat kanthi preaching mendicancy.

Nalika taun 1207 sasampunipun setunggal taun merangi bidaah ing Prancis Kidul, uskup Diego mutusaken kundur dhumateng Osma, sauntawis Dominikus nglajengaken misinipun ing Montpellier. Satunggiling pukulan ageng kanggé Dominikus nalika mireng kabar sédanipun uskup Diego nalika tanggal 30 Desember 1207.

Dhuta kapausan Peter de Castelnan dipunpejahi déning kaum heretis Albigenses nalika tanggal 14 Januari 1208. Paus Innocent III salajengipun nglancaraken kampanye militèr ing saandhaping pimpinan Simon de Montford nglawan Count Raymond VI, pamimpin kitha Toulouse ingkang dipundugi minangka pangrencana pamejahan Peter of Castelnau, ingkang salajengipun marnani perang sadhèrèk sarta pamerjayan massal. Sauntawis para serdhadhu merangi para bidaah kanthi pedhang lan kakerasan, Dominikus merangi para bidaah kanthi kotbah.

Sasampunipun 'Battle of Muret' tanggal 12 September 1203, Simon de Montford kasil nelukaken kitha Toulouse lan ndadosaken kitha kasebat minangka pusat pertahananipun. Ing kitha puniki ugi Dominikus nampi Peter Seila lan Thomas ingkang kepéngin mundhut bagéyan saking karya Dominikus lan dados sadhèrèkipun Dominkus. Mila, Dominikus nampi kekalihipun salebetipun pocapan kaul réligius. Kanggé sauntawis, Dominikus lan sadhèrèk-sadhèrèkipun manggèn ing griya paringanipun Peter Seile. Salajengipun Dominikus nyuwun idin saking Uskup Fulk, Uskup Toulouse, kanggé pangadegan 'ordo'-nipun kasebat.

Ing wulan September 1205, Dominikus tindak dhumateng Roma kanggé nyuwun konfirmasi kanggé ordonipun lan ugi ngrawuhi Konsili Lateran kaping sekawan ingkang dumados wulan November. Paus Innocent III njanjiaken konfirmasi kasebat kanthi sarat bilih Dominikus kedah milih dhasar konstitusi saking ordonipun selaras kaliyan aturan-aturan ingkang sampun dipuntampi gréja. Dominikus salajengèipun kundur dhumateng Toulouse lan ngempalaken sadhèrèk-sadhèrèkipun kanggé 'First Dominican General Chapter' nalika tanggal 29 Mei 1206 (Pantekosta). Sedaya kanthi keyakinan penuh milih regula santi Agustini minangka dhasar konstitusinipun.

Nalika tanggal 16 Juli 1206, Paus Innocent III tilar donya lan Kardinal Cencio Savelli kapilih minangka Paus salajengipun ingkang salajengipun mundhut nami Honorius III. Nalika tanggal 22 Desember 1216, Paus Honorius III nyarujuki konfirmasi ordo puniki, lan kanthi punika OP utawi Order of Preachers madeg secara sah.

Ing pungkasan gesangipun, Dominikus ngonsentrasikaken dhiri kanggé ngatur kagesangan ordo sarta damel lelampahan panjang dhumateng Italia, Spanyol, lan Prancis kanggé kotbah ingkang narik kahtah sanget kaum mudha sarta mbangun griya-griya biara ingkang énggal.

Panjenenganipun tilar donya nalika tanggal 6 Agustus 1221 sasampunipun konsili kaping kalih saking ordo puniki ing Bologna, Italia. Kalih welas taun sasampunipun sédanipun inggih punika tanggal 3 Juni 1234, panjenenganipun dipunkanonisasikaken dados tiyang suci.

Pèstanipun dipunriyayakaken saben tanggal 8 Agustus. Dominikus ugi ndhorong umatipun kanggé gadhah sikap andhap asor lan nglampahi silih. Ing satunggiling dinten, nalika satunggiling tiyang takèn dhumateng Dominikus, buku punapa ingkang panjenenganipun pigunakaken kanggé nyawisaken kotbah-kotbahipun ingkang ngéramaken puniku. “Satunggil-satunggilipin buku ingkang kula pigunakaken inggih punika buku katresnan,” wangsulan panjenenganipun. Panjenenganipun tansah sembayang supados piyambakipun dipunkebaki asih tresna dhumateng sesami. Dominikus ndhesak para imam Dominikan kanggé mbektèkaken dhiri dhumateng panglebetan Kitab Suci lan sembayang. Boten setunggal tiyang ugi naté nglampahaken luwih saking Dominikus lan para pangkotbahipun salebetipun nyebarwiyaraken dhévosi rosario ingkang éndah.

Pirsani ugi[sunting | sunting sumber]

Yayasan Santo Dominikus

Réferènsi[sunting | sunting sumber]

  1. ^ Santo Dominikus dan Indonesia
Sumber artikel punika saking kaca situs web: "http://jv.wikipedia.org/w/index.php?title=Dominikus&oldid=837026"