Doktor Gréja

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Salebeting Gréja Katulik Roma, satunggiling Doktor Gréja punika satunggiling teolog ingkang ajaranipun sampun maringaken kauntungan kanggé sedaya Gréja Kristen lan ingkang ajaranipun sarta kagesanganipun ingkang salèh dipunproklamasikaken déning Paus utawi déning satunggiling konsili ekumenis. Bebungah puniki arang sanget dipunparingaken, namung sasampunipun tilar donya lan sasampunipun kanonisasi. Dèrèng wonten konsili ekumenis ingkang migunakaken hak prerogatifipun salebeting mroklamasikaken satunggiling Doktor Gréja.

Awalipun, daftar puniki namung nyakup teolog Kilèn Ambrosius, Augustinus saking Hippo, Hieronimus, lan Paus Gregorius I, ingkang dipuntetepaken taun 1298. Doktor Wétan, Athanasius, Basil, Yohanes Krisostomus, lan Gregorius Nazianzus dipuntetepaken taun 1568 sesarengan kaliyan Thomas Aquinas. Tiga doktor pungkasan ingkang nembé dipunwara-warakaken sedaya wanita.

Karya saking para Doktor puniki kathah variasi subyèk lan wangun. Sapérangan punika panyerat serat-serat lan prajanjian cekak (kados Gregorius lan Ambrosius). Sanèsipun nyerat teologi mistik (kados Katarina Siena, Yohanes Salib). Kathah doktor ingkang damel manéka seratan kanggé mbéla Gréja saking ajaran sesat (kados Augustinus, Bellarminus). Augustinus ugi nyerat otobiografi pisanan donya ('Pangakenan-pangakenan'). "Sajarah Gréja Tiyang Inggris" karya Bede maringaken informasi paling saé perkawis Inggris nalika awal Abad Pertengahan. Teolog sistematika kalebet filsuf "Skolastik" Anselmus, Albertus Magnus, lan Thomas Aquinas. Seratan-seratan saking Doktor awal maringaken pamahaman ingkang saé dhumateng kakristenan perdhana.

Gréja Katulik ndaftar 33 Doktor Gréja; tanggal promosi dados Doktor ugi kacathet, yèn sumadiya. Santo ingkang dipuntengeri kanthi tetenger lintang ugi dipunvenerasi déning Ortodoks Wétan, nanging Gréja Ortodoks Wétan piyambak boten migunakaken istilah Doktor Gréja.

* Ugi dipunormati déning Ortodoks Wétan.

Pirsani ugi[sunting | sunting sumber]

Pranala jawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Doktor_Gréja&oldid=821756"