Dismas

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Santo Dismas
Goodthief.jpg

Santo Dismas, maling ingkang ingkang martobat ing kayu salib.
Miyos
Tilar donya watawis 33 Masehi, Golgota, bukit ing njawi Yerusalem
Dipun urmati ing Gréja Ortodoks Wétan
Gréja Katulik Roma
Dinten pèngetan 25 Maret
Gloriole.svg Portal Santo

Miturut tradhisi Santo Dismas punika satunggiling santo ingkang nembé ndhèrèk Yésus ing menit-menit pungkasan kagesanganipun.[1] Dismas punika salah satunggil saking kalih durjana ingkang dipunsalibaken ing sisih kiwa lan sisih tengen Yésus.[1] Ing salebetipun kitab Injil Lukas 23:39-43, dipuncariyosaken bilih durjana ingkang setunggal boten ngeduwungi tumindakipun, nanging durjana satunggalipun malih ngeduwungi tumindak alanipun.[1] Durjana ingkang ngeduwungi tumindakipun inggih punika Dismas.[1][2] Nalika nyaketi ajalipun, Dismas nyuwun pangapunten amargi dosa-dosanipun dhumateng Yésus.[1] Yésus paring pangapunten lan ngandika: "Dina iki uga kowé bakal bebarengan karo aku ing Swarga".[1] Dismas dipunpirsani minangka tuladha kanggé tiyang ingkang purun martobat.[2] Sasanèsipun puniku, panjenenganipun ugi dados santo pangreksa kanggé tiyang ingkang dipunukum pati.[2]

Asal nami[sunting | sunting sumber]

Salebetipun Injil Lukas maling puniku boten gadhah nami. Salebetipun Injil Nikodemus (apokrif, asalipun saking Abad ka-4) nami maling ingkang saé punika "Dismas", nami maling ala inggih punika "Gestas". Salebetipun Injil al-Tufuliyah (apokrif, Abad ka-6) naminipun inggih punika "Titus", maling ala punika "Dumachus".[3] Ing gréja ortodoks Rusia, naminipun punika "Rah".

Réferènsi[sunting | sunting sumber]

  1. ^ a b c d e f (id)Bernadette McCarver Snyder. 2001. 115 Kisah Santo-Santa yang Mengasyikkan. Yogyakarta: Kanisius. Hal. 48.
  2. ^ a b c A. Heuken. 1985. Ensiklopedi Orang Kudus. Jakarta: Yayasan Cipta Loka Caraka. Hal. 94.
  3. ^ Catholic Encyclopedia Arabic Gospel of the Infancy 23. "And the Lord Jesus answered, and said to His mother: Thirty years hence, O my mother, the Jews will crucify me at Jerusalem, and these two robbers will be raised upon the cross along with me, Titus on my right hand and Dumachus on my left; and after that day Titus shall go before me into Paradise."
Sumber artikel punika saking kaca situs web: "http://jv.wikipedia.org/w/index.php?title=Dismas&oldid=836692"