Dik Doank
| Dik Doank | |
|---|---|
 | |
| Lair | Raden Rizki Mulyawan Kertanagara Hayang Denda Kusuma |
| Pakaryan | Penyanyi Pranata Cara |
| Taun aktif | 1994 - sapunika |
| Bojo | Myrna Yuanita |
| Anak | Ratta Billa Baggi, Geddi Jaddi Membummi, lan Putti Kayya Hatti Imanni |
Dik Doank ingkang gadhah jeneng dawa Raden Rizki Mulyawan Kertanagara Hayang Denada Kusuma (lair 21 Sèptèmber 1968; umur 55 taun) inggih punika penyanyi, panatacara, lan desainer grafis saking Indonesia.[1][2]
Karier[besut | besut sumber]
Wiwit alitipun Dik Doank sampun gadhah hobi nggambar lan ngarang komik.[1] Hobi punika dipunkembangaken nalika umuripun 15 taun, Dik sampun wiwit ngripta lagu.[1] Karyanipun asring ndhèrèk lomba, nanging dèrèng naté menang.[1] Sasampunipun lulus SMA, Dik sinau ing Institut Kesenian Jakarta (IKJ) jurusan Desain Grafis spesifikasi cover album lan poster.[1] Asil karyanipun Dik saged dipuntingali ing kover kaset albumipun Atiek CB, Chrisye, Broery Pesulima, Nike Ardilla, Ebiet G. Ade, Koes Plus lan AB Three.[1] Sasampunipun dangu nyambut damel ing babagan damel cover album, pungkasanipun Dik Doank saged nembus dhapur rekaman ing taun 1997.[1] Singel Pulang saking album ingkang ingkang sepisanan sampun saged damel namanipun Dik Doank misuwur.[1] Salajengipun Dik damel album malih kanthi irah-irahan "Jangan Takut" kanthi singel hits Pak Posku lan Digoda Waria.[1] Taun 2004, sasampunipun absen kinten-kinten gangsal taun, Dik ngedalaken album ingkang kaping tiga “180 Derajat”. Lirik lagu ing album “180 Derajat” taksih gadhah tema sosial kanthi ukara-ukara ingkang sakedhik nakal ingkang panci dados ciri khasipun Dik Doank.[1] Sanajan sampun ngedalaken tiga album, nanging Dik Doank langkung misuwur amargi dados panatacara.[1] Panjenenganipun naté dados panatacara kanggé adicara giyaran langsung Piala Donya FIFA taun 2002. Sapunika Dik Doank langkung temen ing babagan pendidikan.[2]
Cathetan suku[besut | besut sumber]
Pranala njawi[besut | besut sumber]
- Profil [1] Archived 2010-05-08 at the Wayback Machine. lan pawartos
[2] [3] di KapanLagi.com
| Artikel iki minangka artikel rintisan. Kowé bisa ngéwangi Wikipédia ngembangaké. |