Dian David Michael Jacobs

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Dian David Michael Jacobs (lair tanggal 21 Juni 1977 ing Ujung Pandang, Sulawesi Kidul), utawa luwih kawentar mawa jeneng David Jacobs, iku sawijining atlit disabilitas Indonésia sing main tenis méja (pingpong). Saiki levèlé para Kelas 10. David lair ing Ujung Pandang lan wiwit umur 10 taun wis mlejit ing kompetisi nasional. Ing taun 2000 dhèwèké wiwit main sacara internasional. Ing taun 2001 dhèwèké menangaké medali emasé sing kapisan ing SEATTA Games ing Singapura. Wiwit taun 2010 dhèwèké wis mèlu kompetisi ing ténis méja para. Senadyan mengkono dhèwèké luwih kerep main nglawan para atlit sing ora nduwé disabilitas. David mèlu tetandhingan ing Paralimpik Musim Panas ing taun 2012 ing London lan menang medali prunggu. David Jacobs iku katurunan Ambon utawa Maluku.

Urip awal[sunting | sunting sumber]

David Jacobs lair ing Ujung Pandang. Jacobs ing tanggal 21 Juni 1977. Dhèwèké katurunan Maluku. David wiwit main pingpong nalika umuré 10 taun mawa sengkuyungan wong tuwané Jan lan Nell serta saduluré Rano, Piere, lan Joe; ing taun 2012 telu saduluré ya isih main pingpong. Ing taun 1989 wong tuwané ndaftaraké awaké ing PTP Club ing Semarang. Sajroning rong taun David bisa dadi jawara nasional ing tingkatan sekolah dhasar.

Nalika Jacobs wis sedya arep mlebu SMP, kulawargané pindhah menyang Jakarta. David banjur ndaftar ing klub UMS 80. David panggah mbenakaké prestasiné lan uga nggabung karo tim provinsi. Ing taun 1997 Daviss dikirim menyang Beijing kanggo latihan ing sekolah olahraga Shi Cha Hai. Nuju taun 2000 David wis siap tetandhingan ing level internasional miturut asosiasi tènis méja Indonésia. Miturut situasi ing Januari 2012, David iku rabi karo Jeanny Palar, lan pinaringan putra siji.

Karièré sajroning olahraga tènis méja[sunting | sunting sumber]

Nalika kuliah ngèlmu manajemen ing Sekolah Tinggi Ilmu Ekonomie Perbanas, David mbanjuraké latihané. Dhèwèké mèlu Southeast Asian Games (SEA Games) kanggo kapisan ing taun 2001. Bebarengan karo Yon Mardiono, dhèwèké bisa menangkaké medali emas ing taun 2001 sajroning tetandhingan SEATTA ing Singapura.

Ing tetandhingan ganda lanang, wong loro bisa ngalahaké duo saka Thailand Phucong Sanguansin and Phakphoom Sanguansin ing telung sèt kanthi skor 11-4, 11-4, lan 11-6. David sing diwèhi pasangan Mardiono kanggo kapisan sajroning turnamen iki kandha marang The Jakarta Post wong loro iki "wis nduwé tékad emoh diungguli wong liya".

Réferènsi[sunting | sunting sumber]

Delengen uga[sunting | sunting sumber]