Dewi Lestari

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Dewi Letari

Dewi Lestari Simangunsong kang biyasa diundang Dee (lair ing Bandung, Jawa Kulon, 20 Januari 1976; umur 38 taun) yaiku salah sijiné penulis lan penyanyi kang asalé saka Indonésia. [1] Dewi Lestari iku lulusan jurusan Hubungan Internasional Universitas Parahyangan.[1] Dhèwèké ditepungi dadi anggota trio vokal Rida Sita Dewi. Wiwit nerbitaké novèl Supernova kang populèr ing taun 2001, Dewi Lestari ora mung ditepungi dadi penyanyi ananging uga dadi novèlis.[1]

Karir nyanyi[sunting | sunting sumber]

Dee lair dadi anak kaping papat saka lima sedulur.[1] Dhèwèké anak saka pasangan Yohan Simangunsong lan Turlan br Siagian (alm).[1] Nalika cilik, Dee wis akrab karo musik.[1] Bapaké dadi salah sijiné anggota TNI kang uga sinau piano kanthi cara otodidak.[1] Sadurungé nggabung karo Rida Sita Dewi (RSD), Dee tau dadi backing vocal kanggo Iwa K, Java Jive lan Chrisye.[1] Kurang luwih nalika sasi Mei 1994, Dee karo Rida Farida lan Indah Sita Nursanti mbentuk trio Rida Sita Dewi (RSD) kang diprakarsani déning Ajie Soetama lan Adi Adrian.[1]

Trio RSD nggawé album perdhana, kang judhulé Antara Kita nalika taun 1995.[1] Sawisé iku banjur nggawé album kang judhulé Bertiga (1997).[1] RSD banjur misuwur nalika nggabung karo Sony Music Indonesia kanthi nggawé album Satu (1999).[1] Déné lagu kang dadi andelan ing album iki yaiku "Kepadamu" lan "Tak Perlu Memiliki".[1] Ing pungkasan taun 2002, RSD njupuk lagu-lagu kang paling apik banjur nggawé album kang judhulé The Best of Rida Sita Dewi kanthi tambahan lagu anyar kang cacahé loro yaiku "Ketika Kau Jauh" riptaané Stephan Santoso/Inno Daon lan "Terlambat Bertemu", kang diriptakaké pentholan Kahitna, Yovie Widianto.[1]

Nalika taun 2006, Dee nggawé album kang nggunakaké basa Inggris kang judhulé Out Of Shell, lan ing taun 2008 Dee nggawé album "RectoVerso".[1] Ing album iki Dee ngajak Arina Mocca kanggo dhuèt ing lagu Aku Ada lan ing lagu "Peluk" Dee dhuèt karo Aqi Alexa.[1] Hits kang paling populèr yaiku lagu kang judhulé "Malaikat Juga Tahu".[1] Ing album iki Dee uga ngrilis ulang laguné Marcell Siahan kang judhulé "Firasat".[1]

Karir nulis[sunting | sunting sumber]

Sadurungé Supernova digawé, ora akèh wong kang ngerti yèn Dee uga kerep nulis.[2] Tulisan Dee tau dicithak ing médhia-médhia cithak.[2] Salah sijiné yaiku cerkak kang judhulé "Sikat Gigi" kang tau dicithak ing buletin seni kang diterbitaké Bandung, Jendela Newsletter, salah sijiné médhia kanthi basis budaya kang indhepènden lan nduwé skala cilik kanggo kalangan sendiri.[2] Taun 1993, Dee ngirim tulisan kang judhulé "Ekspresi" ing kalawarti Gadis kang nalika iku lagi ngananaké lomba nulis.[2] Ing lomba iki Dee éntuk juwara siji.[2] Telung taun sawisé iki, Dee nulis karangan kang cacahé 15 kanggo buletin sekolah.[2]

Cathetan sikil[sunting | sunting sumber]

  1. ^ a b c d e f g h i j k l m n o p q r (id)[Biografi di tokohindonesia.com(diundhuh tanggal 6 Juli 2011)
  2. ^ a b c d e f (id)[ Profil di KapanLagi.com(diundhuh tanggal 6 Juli 2011)
Sumber artikel punika saking kaca situs web: "http://jv.wikipedia.org/w/index.php?title=Dewi_Lestari&oldid=876974"