Deket, Lamongan

Kecamatan Deket punika salah satunggiling kecamatan ing kabupaten Lamongan, Jawi Wétan, Indonésia.

VISI

Mujudaken kemakmuranipun para wargo ingkang sae kanti dipun lambari Iman lan taqwa sarto mumpuni wonten babagan ilmu pengetahuan.

MISI

1. Ningkataken kemakmuranipun para warga masyarakat kanti cara ningkataken hasilipun tetanen lan miyoro mino.
2. Ningkataken kesadaranipun warga masyarakat salebetipun nindakaken Syariat agama kanti ngamalaken piwucal-piwucalipun.
3. Ningkataken sarana lan prasarana deso ( margi lan irigasi).
4. Ningkataken SDM para pangembating projo lan wargo masyarakat.
5. Ningkataken salebetipun babagan keamanan supados warga masyarakat rumaos ayem lan tentrem.

Gegambaran Umum

Kecamatan Deket salah setunggalipun kecamatan, saking 27 (pitulikur)kecamatan ingkang lumebet salebetipun pamprentahan Kabupaten Lamongan, ingkang tebihipun antawis 3 (tigo) kilometer saking punjeripun parentahan kabupaten,kanti inggilipun antawis 2 (kalih) meter saking lumahipun seganten.

Déné wates-watesipun :

• Sisih ler  : Kecamatan Karangbinangun.
• Sisih wetan  : Kecamatan Duduksampeyan,Kab. Gresik.
• Sisih kidul  : Kecamatan Sarirejo.
• Sisih kilen  : Kecamatan Lamongan.

Peranganipun Wewengkon

Kecamatan Deket dumados saking 17 (pitulas) desa,55 (seket gangsal)dusun, 86(wolongdoso enem) Rukun Warga,259 (kalih atus seket sanga)RT.Dene jumlah pendudukipun dipun perang , jaleripun 21.234 (selikur ewu Kalih atus tigang doso sekawan) tiyang,estrinipun 21.811 (selikur ewu wolong atus sewelas) tiyang, kanti wiyaripun wewengkon: 4.004,84 ha. Ingkang dumados saking :

• Kawontenanipun wewengkon  : siti ngare ( tanah datar )
• Peranganipun siti  : - Alovial 26,8 % lan Gromosal 73,2 %
• Sumber toya  : Sumber toya lebetipun roto-roto 25-30 meter
• Mongso  : Kecamatan Deket iklimipun tropis kanti 2 (kalih) mongso, inggih meniko mongso rendeng lan mongso ketigo.

Desa-Desa

• Sidareja
• Dlanggu
• Laladan
• Deketkulon
• Deketwétan
• Sugihwaras
• Dinaya
• Sidamulya
• Rejasari
• Pandanpancur
• Sidabinangun
• Babatagung
• Tukerta
• Weduni
• Tejatengah
• Srinande
• Plasabuden