Dede Yusuf

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Dede Yusuf

Yusuf Macan Effendi (lair ing Jakarta, 14 September 1966; umur 47 taun) utawi misuwur kanthi asma Dede Yusuf inggih menika setunggalipun aktor Indonésia ingkang misuwur kanthi film-film laga.[1] Dede ugi kalebet anggota DPR saking PAN périodhe 2004-2009, lan samenika mengku jabatan minangka Wakil Gubernur Provinsi Jawi Kilèn périodhe 2008-2013.[1][2]

Kulawarga lan Karieripun[sunting | sunting sumber]

Dede Yusuf menika putra saking pasangan (alm) Ir. Tammy Effendi lan penyanyi Rahayu Effendi, lan kagungan kangmas inggih menika ingkang asmanipun Bob Soelaiman Effendi.[1] Ramanipun nate nyambut damel minangka Dhirèktur Taman Ismail Marzuki (TIM), ingkang ngurusi panggénan pagelaran lan kasenian.[1] Ibunipun Dede dados penari ing Istana Bogor lan pramugari Garuda ingkang gantos profesi dados bintang film ing taun 1965.[1] Nalika taksih mbobot Dede Yusuf, ibunipun dados bintang film Macan Kemayoran ingkang lajeng sukses ing masarakat.[1] Amargi saking menika, ramanipun maringi nami Macan kagem putranipun.[1]

Nalika taksih timur, Dede Yusuf remen olahraga binaraga lan ndadoskaen aktor Hollywood ingkang samenika dados gubernur California, Arnold Schwarzenegger minangka idholanipun.[1] Ing babagan béladhiri, boten namung pencak silat kémawon, Dede ugi nyinaoni karaté, kungfu, kempo, jujitsu, lan taekwondo.[1]

Kaprigelanipun ing seni bela dhiri sampun damel karakter Dede, ngantos gadhah obsèsi kadosdéné bintang beladhiri Bruce Lee.[1] Dede lajeng ndhèrèk casting minangka figuran Stuntman Fighter ing film laga.[1] Dede maragakaken karakter Cameo kaliyan Barry Prima, George Rudy, Advent Bangun, bintang laga ingkang nalika semanten sampun suksès.[1]

Cathetan Suku[sunting | sunting sumber]

  1. ^ a b c d e f g h i j k l (id)[1] dipunundhuh tanggal 29 Juli 2011)
  2. ^ (id)Dede Yusuf Pertimbangannya Banyak dipunundhuh tanggal 29 Juli 2011)

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Pranala Njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Dede_Yusuf&oldid=831319"