Curug Cimahi
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Curug Cimahi punika papan pariwisata ingkang awujud grojogan mapan wonten ing Jalan Kolonel Masturi, Désa Kertawangi, Kacamatan Cisarua, Kabupatèn Bandung Kulon, Provinsi Jawa Kulon, Indonesia [1]. Curug punika mapan wonten ing ketinggian 87 mèter lan kalebet salah satunggaling curug ingkang paling inggil ing wewengkon Bandung lan sekitaripun. Kanthi inggil 1050 mèter dpl lan suhu ing kawasan punika 18-22 derajat Celcius. Boten tebih saking Curug Cimahi punika wonten Curug Bugbrug lan Curug Panganten.
Ètimologi[besut | besut sumber]
Curug Cimahi punika asalipun saking tembung curug kanthi Basa Sunda ingkang ateges grojogan utawi ing Basa Indonesia punika air terjun. Déné tembung Cimahi punika asalipun saking nama kali ingkag mili ing nginggilipun inggih punika Lèpèn Cimahi kanthi hulu ing Situ Lembang [2].
Kawontenan Curug Cimahi[besut | besut sumber]
Objek pariwisata Curug Cimahi punika wiwit kabikak kanggé umum nalika taun 1978 kanthi mapan wonten ing aréa kanthi wiyar 2 hektar. Miturut cariyos ingkang nyebar ing masarakat tlatah mriku, manawi nadahaken awak ing ngandhaping grojogan punika wonten kapitadosan bilih saged damel waras saking lelara, kanggé terapi keséhatan, lan pambangit aura. Amargi Curug Cimahi mau mancaraken aura positif ingkang saged mbiyantu mundakaken ènergi awak lan memacu prosès penyembuhan [2].
Kanggé dugi ing lokasi grojogan punika para wisatawan kedah mandhap ing margi kanthi undhak-undahkan cacahipun 520 undakan ingkang kadamel saking watu kali. Ing sisih kiwa dalan punika témbok bukit ingkang wujud lemah. Déné ing sisih tengen dalan punika wonten pager pengaman ingkang kadamel saking kayu minangka pelindung saking jurang ingkang wonten ing ngandhapipun. Ing margi mau wisatawan saged mirsani sesawangan ingkang katon éndah ugi wonten satwa-satwa alasan nyebar ing mriku kados ta manuk lan monyet. Supados dugi ing grojogan punika kirang langkung mbetahaken wekdal 20-30 menit saking pintu mlebet [2].
Fasilitas[besut | besut sumber]
Fasilitas ingkang sampun samekta ing Curug Cimahi punika kados ta para penyadé manéka dedhaharan lan unjukan. Ugi wonten ingkang nyadé manéka dolanan kanggé laré, topi, cenderamata. Fasilitas sanèsipun kados ta langgar, papan parkir ingkang wiyar, papan kanggé ngaso (shelter), pusat informasi lan peta lokasi objek wisata Curug Cimahi [3].
Cathetan suku[besut | besut sumber]
- ↑ [1] Archived 2012-12-17 at the Wayback Machine., (id) Curug Cimahi-wiasata alam yang mempesona (dipunakses tanggal 21 Januari 2013).
- ↑ a b c [2] Archived 2011-11-10 at the Wayback Machine., (id) Air Terjun Curug Cimahi (dipunakses tanggal 21 Januari 2013).
- ↑ [3] Archived 2013-01-23 at the Wayback Machine., (id) Curug Cimahi (dipunakses tanggal 21 Januari 2013).