Dhelikan
(Kaelih saka Culikan)
_by_William_Bliss_Baker.jpg) Lukisan kang nggambaraké bocah lagi dhelikan | |
| Pemain | 2+ |
|---|---|
| Watesan yuswa | tanpa batesan |
| Warsa | <90 seconds |
| Jangka wektu | no limit |
| Kemungkinan acak | Very Low |
| Ketrampilan | Running, Tracking, Hiding, Observation |
Dhelikan utawa jélungan, jumpritan utawa culikan, ya iku dolanan bocah kanthi cara bocah-bocah kang mèlu padha ndelik ing sakiwa tengen papan dolanan, banjur bocah siji utawa pira-pira liyané kudu nggoleki. Dolanan iki bisane dilakokake déning wong 2 utawa luwih. Bocah kang kebagean "jaga" kudu merem lan ngetung angka kang wis dikukuhaké sadurungé, sawatara bocah-bocah liyané padha lumayu ndhelik. Nalika ngetunge wis rambung, bocah kang "jaga" banjur kudu nggoleki.
Kanggo nemtokake sapa sing "jaga", racaké nganggo cara diundhi, kanthi sompyo, pingsut utawa incu. bocah sing kalah undhi kudu "jaga"
Variasi[besut | besut sumber]
Dolanan iki duwé pira-pira variasi, ing antarané :
- Bocah kang wis tinemu banjur ganti "jaga"
- Kroyok ing, ya iku undhian dilakokake kanthi giliran ngglundhungake bal kanggo ngrubuhake tumpukan krèwèng (pecahan gendhèng). Bocah kang ana ing urutan samburine bocah kang ngrubuhake tumpukan kreweng kudu "jaga". Bocah-bocah liyané gage ndhelik sawatara bocah kang "jaga" numpuk manèh krewenge. Sinambi nggoleki bocah liyané, bocah kang "jaga" uga kudu njaga tumpukan kreweng, aja nganti dirubuhake bocah kang lagi ndhelik.