Columba

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
COLUMBA

Peta Columba
Daftar lintang ing Columba
Cekakan Col
Genitif Columbae
Asensio rekta 6
Deklinasi −35
Area 270 derajad pesagi (#54th)
Lintang utama 5
Lintang
Bayer/Flamsteed
18
Lintang
mawa planèt
1
Lintang padhang 1
Lintang cedhak 0
Lintang paling padhang α Col (Phact) (2.65m)
Lintang paling cedhak Gliese 218 ( tc)
Obyèk Messier 0
Udan météor None
Rasi lintang
sing wewatesan
Lepus
Caelum
Pictor
Puppis
Canis Major
Katon antara lintang +45° lan −90°.
Katon paling cetha ing wektu 21.00 jroning sasi February.
'

Columba inggih punika salah satunggaling rasi lintang ingkang mapan wonten ing belahan langit sisih kidul ingkang ugi kalebet rasi lintang ingkang alit lan lemah ing langit. Rasi lintang columba inggih dipundamel ing pungkasaning abad kaping enem welas déning astronom Walanda Petrus Plancius. Columba inggih nama Latin kanggé dove lan punika nggambaraken manuk kanthi suwiwi ingkang ngepak- ngepak. Plancius paring nama asli kanggé rasi lintang Columba kanthi nama "Columba Noae" utawi "Noah's Dove". Rasi lintang punika mapan wonten ing sak kiduling rasi lintang Canis Major lan Lepus.

Sujarah[sunting | sunting sumber]

Columba inggih dipundamel déning Petrus Plancius ing taun 1592 kanthi ancas kangge mbedakaken kaliyan lintang ingkang dèrèng dados saking rasi lintang ageng Canis Major.[1] Plancius sepisanan nggambaraken rasi lintang Columba punika wonten ing peta langit ingkang alit ing peta tembokipun ingkang ama ong taun 1592. Rasi lintang punika ugi dipunketingalaken ing peta dunya alit kagunganipun ing taun 1594 lan wonten ing peta langit Walanda. Nama sanèsipun Columba inggih punika Columba Noachi inggih dipunpanggihaken wonten ing globe langit lan atlas lintang - lintang kados ta Uranometria Johann Bayer ing abad pitulas inggih punika ing taun 1603.[2]

Lintang - lintang[sunting | sunting sumber]

Columba gadhah dhaérah ingkang ambanipun kirang langkung 270 drajat persegi lan boten ngewrat kathah lintang ingkang dipunmangertosi minangka planet - planet. Rasi lintang punika saged dipuntingali ing garis lintang antawisipun +45° lan -90° lan paling saé dipuntingali ing jam 9 dalu ing salebeting sasi Pebruari.

Lintang ingkang paling padhang wonten ing rasi lintang Columba inggih punika lintang alpha Columbae, utawi Phact, saking tembung basa Arab "dove", "Al Fakhita" kanthi magnitudo ingkang paling padhang ing 2,7. Lintang punika inggih satunggaling lintang sistem binar ingkang ngewrat cahya super raksasa tipe Be. Alpha Columbae inggih satunggaling lintang ingkang gadhah cahya biru nantos pethak, lan ing tradhisional dipunsebat Phact ingkang tegesipun "ring dove".Alpha Columbae inggih tebihipun 268 taun cahya saking bumi.

Beta Columbae inggih punika lintang ingkang paling padhang nomer kalih ing rasi lintang Columba. Beta Columbae ugi dipunmangertosi minangkan Wazn utawi Wezn, (abot). Lintang punika kalebet cahya raksaa tipe K kanthi gadhah magnitudo 3,12, ingkang tebihipun mapan wonten ing 86 taun cahya saking bumi.[1] Fitur sanesipun ingkang ugi narik kawigatosanipun kangge dipuntingali ing rasi lintang punika inggih lintang ingkang asring pindhah - pindhah inggih punika mu Columbae. Lintang punika sesarengan mlebet jinis kelas lintang kelas O. Delta Columbae inggih punika lintang ingkang ngewrat cahya raksasa binar jene ingkang ugi dipunmangertosi minangka Ghusm utawi Zaitun. Eta Columbae inggih punika lintang kanthi cahya raksasa jene ngantos oranye, lan gamma Columbae inggih punika lintang ingkang gadhah cahya sub raksasa biru ingkang tebihipun 854 taun cahya.

Objek Langit Lebet[sunting | sunting sumber]

Columba ugi ngewrat saperangan objek langit ingkang narik kawigatosanipun kangge dipuntliti. NGC 1808 inggih minangka galaksi Seyfert, satunggaling galaksi spiral ingkang dipunlarang wontenipun kanthi titikan ingkang meh sami kaliyan galaksi Bima Sakti, ingkang tebihipun kirang langkung 40 milyar taun cahya.

Columba inggih taksih kalebet wonten ing kulawarga rasi lintang Heavenly Waters sesarengan kaliyan rasi lintang Delphinus, Equuleus, Eridanus, Piscis Austrinus, Carina, Puppis, Vela lan Pyxis. Déné rasi lintang ingkang wonten ing sakitering rasi lintang Columba inggih punika Lepus, Caelum, Pictor, Puppis lan Canis Major. .[3]

Cathetan Suku[sunting | sunting sumber]

  • Makemson, Maud Worcester (1941). The Morning Star Rises: an account of Polynesian astronomy. Yale University Press. p. 281.
  • Ridpath, Ian; Tirion, Wil (2001), Stars and Planets Guide, Princeton University Press, ISBN 0-691-08913-2
  • Ian Ridpath and Wil Tirion (2007). Stars and Planets Guide, Collins, London. ISBN 978-0-00-725120-9. Princeton University Press, Princeton. ISBN 978-0-691-13556-4.
Sumber artikel punika saking kaca situs web: "http://jv.wikipedia.org/w/index.php?title=Columba&oldid=837023"