Cokelat (grup musik)
| Cokelat | ||
|---|---|---|
.jpg) Cokelat |
||
| Latar mburi | ||
| Lair | 1996 Indonesia |
|
| Jinis Musik | Rock, Pop | |
| Perdamelan | Band | |
| Instrumèn | Gitar, Drum, Bass | |
| Taun aktif | 1996 - samenika | |
| Parusahan rekaman | Sony Music Indonesia | |
| Situs resmi | http://www.cokelat.net | |
| Anggota | ||
| Siti Sabariah Hadju - Sarah (vokal) Otto Trijati Pambudi (additional drum) Ernest Fardiyan Sjarif (gitar) Febrianto Nugroho Surjono - Ronny (bass) Edwin Marshal Syarif (gitar) |
||
| Mantan Anggota | ||
| Roberto Pieter (gitar) Kikan (vokal) Ervin Syam Ilyas (drum) |
||
Cokelat inggih menika salah satunggalipun grup musik saking Kutha Bandung ingkang jumeneng tanggal 25 juni 1996.[1] Grup musik ingkang nggadhahi aliran pop menika milih nama Cokelat, wiwitanipun saking raos kepengin supados warni musik ingkang dipunsuguhaken saged dipunnikmati dening sedaya masyarakat, kados dene panganan ingkang manis 'Cokelat'.[1] Personil Cokelat ing antawisipun inggih menika Namara Surtikanti utawi Kikan (vokal), Ervin Syam Ilyas (drum), Ernest Fardiyan Sjarif (gitar), Febrianto Nugroho Surjono utawi Ronny (bass) lan Edwin Marshal Syarif (gitar).[1] Sanesipun menika wonten Roberto Pieter (gitar), ingkang sampun mundur saking grup menika.[1] Album Cokelat ingkang nate dipunrilis ing antawisipun, Untuk Bintang (2000), Rasa Baru (2001), Rasa Baru Spesial Edition (2002), Segitiga (2003), Dari Hati (2004) lan The Best of Cokelat - Tak Pernah Padam (2006).[1] Taun 2006, Cokelat ugi ngliris album ingkang kaping pitu. Ingkang sae saking album menika, Cokelat damel sedasa lagu wajib nasional Indonesia ingkang dipunaransemen malih saengga dados fresh.[1] Kalebet lagu Bendera karya Eross Chandra lan Satu Nusa Satu Bangsa karya L. Manik ugi wonten ing album Untukmu Indonesiaku.[1] Kalih taun salajengipun, ing taun 2008 Kikan lan kanca-kancanipun ngliris album ingkang kaping wolu kanthi irah-irahan Panca Indera.[1] Album menika kaisi lagu lan hit singel Salah dan Pinjam Hatimu. [1] Ananging, ing sasi Maret 2010, band ingkang sampun 14 taun yuswanipun, kedah ngedalaken Kikan ingkang dados vokalis lan Ervin Syam Ilyas sang drummer.[1] Samenika posisi vokalis dipungantos Sarah Idol.[2]
[sunting] Cathetan Suku
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
