Chuseok

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Chuseok
Koreanthanksgiving-chuseok.jpg
Jeneng Koréa
Hangul 추석
Hanja 秋夕
Alih aksara
Anyar
Chuseok
McCune-
Reischauer
Ch'usŏk

Chuseok utawi ingkang dipunserat minangka Chusok (Dinten wulan purnama) inggih menika dinten libur resmi ingkang wonten ing Korea ingkang dipunrayakaken kanthi ageng nalika wulan kaping 8, dinten kaping 15 kalender lunar [1]. Perayaan menika arupi pesta dhahar kagem ngaturaken panuwun awit saking kasilipun panèn, saéngga dipunsebat minangka dinten panèn, Festival wulan mangsa panèn, utawi Hangawi ("han" = "raya", "gawi" = "tengah", "hari raya ing tengahipun mangsa gugur".

Sqjarah[sunting | sunting sumber]

Hangawi sampun dipunmangertosi saking periode wiwitanipun Kerajaan Silla (57 SM - 935) kanthi wujud lomba nenun antawisipun kalih kelompok. Ing dinten Hangawi, kelompok kanthi asiling tenunan ingkang paling dawa menika dados jawara, déné kelompok ingkang kalah kedah nraktir kelompok ingkang menang kanthi manéka jinis dhaharan ingkang sarwi écho.

Tradisi[sunting | sunting sumber]

Wonten ing jaman samenika, perayaan Chuseok kalebet wekda kagem tiyang Korea supados kondur ing dhaérah asalipun piyambak kanggé sowan ing altar leluhur. Nalika énjing, tiyang Korea ngawontenaken pakurmatan dhumateng arwahipun para leluhur kanthi wujud ziarah ing makam supados ngresiki tuwuhan lan lemah ing sakiwa tengenipun makam. Arwah leluhur ugi dipunparingi dedhaharan , woh-wohan, lan unjukan. Kasiling panèn taun kasebut ugi dipunparingaken dhateng arwah para leluhur [2].

Perayaan Chuseok ugi minangka wekdal kagem ngaturaken panuwun dhumateng arwah para leluhur. Dhaharan khusus liburan Chuseok menika awujud kué Songpyeon (송편) ingkang dipundamel saking glepung beras lan dipunisi kalihan kacang utawi wijen. Ing dalu sadèrèngipun Chuseok, sedaya anggota kulawarga lenggah sesarengan damel songpyeon sinambi mirsani wulan.[3] mliginipun para jejaka lan prawan nyobi damel songpyeon ingkang paling saé amargi pitados bilih piyambakipun badhé pikantuk pasangan ingkang ayu lan bagus .[3] Nalika dinten Chuseok, tiyang-tiyang sarwa nedhi maneka dhaharan lan unjukan sarta ngawontenaken dolanan tradisional .[3] Kejawi songpyeon, maneka asiling kebon lan tetanen ingkang nembé dipunpanèn ngebaki meja dhahar kadosta wijen, dangsul, kacang abang, chestnut, lan kurma Cina.[3] Dolanan lan kesenian tradisional dipunwontenaken sesarengan kadosta sonori (dolanan sapi), geobuknori (dolanan bulus), ganggangsullae (tarian muter) lan ssireum (bergulat).[3]

Dinten Chuseok miturut kalender Gregorian[sunting | sunting sumber]

Cathetan suku[sunting | sunting sumber]

  1. ^ (id) Korea Selatan Bersiap-siap Sambut Liburan Chuseok, (dipunakses tanggal 24 Februari 2013)
  2. ^ (id) Hari Raya Chuseok, (dipunakses tanggal 24 Februari 2013)
  3. ^ a b c d e (en) Sesi Customs, koreanculture.org.

Pranala njawi[sunting | sunting sumber]

Cithakan:Empat hari besar Korea

Sumber artikel punika saking kaca situs web: "http://jv.wikipedia.org/w/index.php?title=Chuseok&oldid=840072"