Chunhyangjeon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Samak novel Chunhyangjeon kang diterbitake ing wiwitan abad kaping 20.

Chunhyangjeon utawa Kisah Chunhyang (춘향전;春香傳) yaiku sawijining novel klasik ngenani romansa katresnan sepasang nom-noman ing Korea ing mangsa Dinasti Joseon (1392-1910).[1][2]

Sejarah[sunting | sunting sumber]

Chunhyangjeon ditulis ing periode pungkasan Dinasti Joseon (abad kaping 17 nganti kaping 18).[1] Cerita novel iki adhedhasar narasi pansori (opera tradisional) lan ora dingerteni penulise .[1] Amarga narasi pansori diwarisake sacara oral (dari mulut ke mulut) mula angel kanggo ngerteni mula bukane.[1]Kisah Chunhyang ing versi pansori diarani Chunhyang-ga (Nyanyian Chunhyang).[2] Crita Chunhyang ditulis ing periode pungkasan Dinasti Joseon yaiku nalika sistem kelas sosial wis mulai owah.[1] Crita iki ngrefleksekake katresna sawijining gisaeng (penghibur) saka kelas ngisor lan anak bangsawan saengga disenenengi rakyat kang ngimpekake kebebasan lan pangarep-arep mangsa candhake.[1] Versi Chunhyangjeon ngancik 120 crita kang beda-beda amarga critane terus owah lan manut karo periode tertemtu.[1]

Crita[sunting | sunting sumber]

Novel Chunhyangjeon nyitakake ngenani sepasang nom-noman, yaiku Chunhyang lan Lee Mong-ryeong.[1] Chunhyang yaiku sawijining gisaeng saka kalangan rakyat biyasa kang njalin hubungan katresnan karo Mong-ryeong, kang minangka sawijing putra gubernur kutha Namwon, provinsi Jeolla Utara.[1]

Hubungan kekarone ora direstoni dening wong tuwa kekarone saengga pungkasane won sakloron mau kawin sacara meneng-menengan.[1] Nanging Mong-ryeong kepeksa kudu lunga ing ibukutha, Hanyang nalika mangsa jabatan bapake kang arep rampung.[1] Mong-ryeong janji yen dheweke bakal cepet-cepet bali nemoni Chunhyang sawise bali melu ujian sipil kenegaraan ing Hanyang.[1]

Ing wektu kang pada, ing Namwon, sawijining gubernur anyar ditunjuk nggenteni bapake Mong-ryeong.[1]Gubernur mau dikenal kanthi aran Byon Hak-do.[3] Chunhyang diundang kanggo ngibur gubernur mau, nanging amarga dheweke wis kawin, mula dheweke nolak panjalukan mau, akibate Chunhyang dikunjara lan disiksa.[1] Rencanane Chunhyang bakal dieksekusi ing dina ulang tahune gubernur mau.[1]

Pungkasane Lee Mong-ryeong ngerti yen Chunhyang dikunjara nanging dheweke ora katon sedih.[1] Chunhyang kuwatir banget marang kahanan Mong-ryeong lan kuciwa ora bisa nglakoni apa-apa.[1] Nalika pesta ulang tahun dianakake lan Chunhyang arep dieksekusi.[1] Nanging sadurunge diukum, sawijining agen rahasia nyulik dheweke, ora liya yaiku Lee Mong-ryeong.[1] Mong-ryeong nylametake Chunhyang lan pungkasane wong sakloron urip kanthi bungah.[1][3]


Cathetan suku[sunting | sunting sumber]

  1. ^ a b c d e f g h i j k l m n o p q r s t Yoo, Myeong-jong; Lee, Ji-hye (2008). 100 Cultural Symbols of Korea. Seoul: Korea Foundation. pp. 166-167. ISBN 978-89-956091-6-3.
  2. ^ a b (id)SSukdaemeori (Chunhyangga), kbs. Diundhuh tanggal 14 Mei 2010.
  3. ^ a b Kim Joo-young (Autumn 1994). "Namwon & Koch'ang: Carrying on the P'ansori Tradition". Koreana 8 (3). http://koreana.kf.or.kr/viewPdf.asp?filename=1994_AUTUMN_E035.pdf. Retrieved 14 Mei 2010.
Sumber artikel punika saking kaca situs web: "http://jv.wikipedia.org/w/index.php?title=Chunhyangjeon&oldid=831379"